Filipenses 2:29 - NandevaBiblia

²⁹ Pymyvãhẽshu Ñandeja heepe vy'akue ryheve, hareka hai rãĩmiva pyndyroryñoĩpo hãndi.

Filipenses 2:29 ပူးပေါင်းရင်းမြစ်များ

Lucas 9:5

Hãma ĩme'ẽ potamba pymyvãhẽvarã, pẽhẽ hoka tentaivi hareka pymytymoshi pepy ryheva yvy tĩmbo, mbe'uha verãre hẽndusembava Tũpa ĩñee.

Juan 13:20

Ãñete hai pee, ãmondova myvãhẽ kaviva, shymyvãhẽjyve; hãrã shymyvãhẽva, myvãhẽjyve shymbou vekua.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

Hechos 28:10

Hãrã haire heta ñyngareko kavi yryrehe, hareka jupiamajy varkoperã, opaite meẽjy'ore pehupi ho'ua verã.

Hechos 8:8

Hãrã hai rehe opaite hokava tentamipe õre vy'aite jyre.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Romano 16:2

Airurepe Ñandeja heepe pymyvãhẽ kavishu verã, tyryvy heko kyambare jajapose hãndia rãĩmi jyrojakuepe; hareka pymboryhe maĩnunga mba'etyreva ikotẽvehea, shara hai hetavape mbory hareka she shymbory jyve.

1 Corintios 16:10

Timoteo vãhẽma ohoperã piñyhãã tyvyakui pymbytepe, shara she rãĩmi hai mba'apo jyve Ñandejape.

1 Corintios 16:18

Haire shypyape haikavi japo shyrehe hareka kyrãĩ jyvepe. Pingareko kavihe reta.

2 Corintios 10:18

Shara hokava kuareta ñonohava, ha'ẽãpo ha'ii ñymbyhaikavi'ia, koñeĩ Ñandeja mbyhaikavivaĩpo.

2 Corintios 7:2

Piñono ore ikoa verã pyndypyape! Mbavãã porãmba japohahe, mbavapeã mymarãhãka, mba'ety mbytavyava.

Filipenses 2:28

Hãrã ãrẽ'ãĩte amondojy pykoty, pyvya verã jyve pyheshajyrã, hareka she avyamba verã jyve.

Colosenses 4:10

Aristarco, shymbyperesoa hãndiva, pynymymarãndu; Marcos hai Bernabé tyvy. Ãmbeumape marãrapopyre Marcos, hãme rãnga oho pẽĩvaperã pymyvãhẽ kavishukui.

1 Tesalonicenses 5:12

Shyryvyre jurureape, pyreko verã ñymbyvete pynymbytepe mba'apo'ia, pyndyraha'ia Tũpa kyty hareka pynymbarakua'ia.

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

3 Juan 1:10

Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.