Filipenses 2:15 - NandevaBiblia

¹⁵ Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.

Filipenses 2:15 ပူးပေါင်းရင်းမြစ်များ

Mateo 10:16

Pikuapo, avisha rãĩmi she apyrỹmondo avara vasure mbytepe. Hãrã piko kuaapo mboi rãĩmi, hareka pykasure rãĩmi heko poshymbaa.

Mateo 17:17

Haipe Jesús hei: Tykove jyrojambaa, ñarõvare! Mbaipeverapo ãime ãĩ penendie? Mbaipeverapo aiko pyndyrehe? Perushe kope kunumi.

Mateo 5:45

kyrãrãpo iko pyndyhevi Peru tayre; hai rãnga mohẽ'ĩãrẽ kuarasy heko porãmba hareka heko kavivare. Hai rãnga mbyhaivihe heko kavivare hareka heko porãmbavare.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Lucas 1:6

Mokue ryheve heko kaviva Tũpa hỹnonde, hareka japo hekope kaviva ñeẽ japoa verã.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Juan 5:35

Juan rãnga hai mbai myhendyava hareka sapeva, potatẽ sapy'aite pyvyapipy hai mykõĩvãpe.

Hechos 2:40

Pedro kyrãva ñee rupii ñimiñeeshu reta hareka mbarakuaashu retarã hei: Avy piko hãndi kuaretare mbai porãmba japo'iare!

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Romano 16:19

Oparupi mbe'uha piniñeẽ rẽndurã, hokava shymbyvy'a. Aipota pyny'arãndu haikaviva pijapo verã, hareka pikuaãpopi porãmba pevarã,

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

2 Corintios 6:17

Pẽhẽshi haire mbyteivi, hareka pysyryshi; avy pypokohe mbai kyavare hãrã she apyrỹmyvãhẽpokui.

Efesios 5:27

Cristo teivapo veru hãrã ñonopo hỹnonde pente tũpao verava hareka mashỹãva, opa hejava porãmba vekua, hareka pyrãtava hareka õĩheare heko kyamba verã, hekope kavi vata verã.

Filipenses 1:10

haikavivape piko verã, kyrãra pikopo pyndyreko kyambape hareka mba'etypo mbai porãmba he'ia pyndyrehe verã Cristo oujy verã jy'arape.

Filipenses 3:6

Shapuiteherã, tũpaore amoña'are, hareka Moisés mbypara vekua rupii ajaporã, mba'ety mbava mbai heishe verã.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

1 Timoteo 3:10

Hãma tekotevẽpo ma'ẽãkavirãnihe, mba'ety porãmba he'iahe verã retarãpo, katu ñonoha diaconorã.

1 Timoteo 3:2

Hãrã tũpaope miñaka'õ ijetaha porãmba'ihe verã rãĩmiãpo iko. Penteĩpore hyreko, ka'uãpo'i, katupo'i, iko kuaapo mbai kuaavape hareka oporõmombaipo. Pyrỹmyvãhẽ kavipo hentape hareka pyrỹmboi kavipo.

1 Timoteo 5:14

Hãme rãnga aipota ynga rekojy taupe ĩme manoshia kuñataĩteriare, tymemby hareka tingareko kavihe hoo, mahẽ ñanymorãmba'iare ijeta porãã'ihe retakui.

1 Timoteo 5:20

Hãrã mbai porãmba ĩmeĩñoĩte japo'iare heheishu hetavare hỹnonde, hãrãpo henduvare kyje jyvekui.

1 Timoteo 5:7

Mbeu jyveshu reta kova mbai, mahẽ ijetaha porããhe retakui.

Tito 1:6

Tũpaope miñaka'õ heko ky'ãpo, hyreko penteĩpo, tay hareka tajyre jyrojapo jyvehe Jesús, mahẽ he'iahe retakui heko porãmba hareka ñee hendumba'iare.

Tito 2:10

Avypo manarõ, heshakapo jyrojahahea, opavare hykovere heshahe verã haikaviva pyrỹmbo'ehaheva Tũpa Ñanymondojepe'ia ryheva.

Tito 2:15

Hỹnatu ñimiñeehe kovare, rỹmykyrẽỹ hareka rỹmbyhaikavi verã kuaretare. Avy heja mbava timbyhory ndyrehe.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.

Apocalipsis 2:5

Hãma nymanduapohe mapera reajy, eijy jykoty Tũpa, tynondeite rikova rãĩmipo rikojy. Rijapoã kyrãrã ahekypo ndyhevikui nytataĩndy hyru hendaivi, reijyvyã Tũpa jykotyrã.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.