Filipenses 2:13 - NandevaBiblia

¹³ shara Tũpa japo pyndyrehe haikaviva pijapo verã hareka pynymbory pinimbijapoka, shara kyrã hai potarã.

Filipenses 2:13 ပူးပေါင်းရင်းမြစ်များ

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Juan 3:27

Juan heishu reta: Mba'ety maĩnunga ĩmere verã Tũpa mẽ'ẽãshurã.

Juan 6:45

Tũpa ĩñee mbeu'iare tynondeva mbypara vekuape kyrãmãĩ hei: “Tũpa opaitepo mboishu reta”. Hãrã opavare henduva hareka kuaa kavishia Sheru ĩñee, haipo shyryhevare.

Juan 6:65

Hãrã hei: Hãme rãnga hai pee, katũã kuaretare ou ãĩvape, Sheru veruãshurã.

Hechos 11:21

Ñandeja ñymbaikatukue ẽẽ hãndi retarã, hetamba'ẽ rojavare hãrã hejava heko arykaiva rojava, haivi jyrojajyva Ñandeja.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

Romano 9:16

Hãrã ha'ẽã kuareta pota hareka õñehããrã, Tũpa rupii rãnga, hai pyryparekova.

1 Corintios 12:6

Hareka ĩme'ẽ opaishareiva japoa verã, tẽvã Tũpa hai opa mbai meẽva maĩnungare rikatu rijapo verã.

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

2 Corintios 3:5

Tẽvã ore õĩhãã oreii mbai japoha irijehe verã; Tũpa rãnga meẽ ore mbai katuha japoha verã.

Efesios 1:11

Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.

Efesios 1:5

arykaivaĩ ñandyraihuiterã ñanypyhỹrõ hareka ñandyreky jaiko verã ta'yrãveite Jesucristo rupii, shara kyrã japo Hai potava rãĩmi.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

2 Tesalonicenses 1:11

Hãme rãnga opa ara jururehañoĩ pyndyrehe, jururehashu Tũpa piniñonorã hai rupii pynyrẽno verã hareka ñymbai katu rupii opa iko verã pee pipotava hareka opaite jyrojakue rupii japohava.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.