Filipenses 2:12 - NandevaBiblia

¹² Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare,

Filipenses 2:12 ပူးပေါင်းရင်းမြစ်များ

Mateo 11:12

Juan Bautista ourãvive ã'ẽpeve, heta kuaretare pyrãtakuepe oñehãã iche verã huvisha vasu vate arapy'õ, hãrã pyrãtavevare pota ñimbi'ijahe.

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Hechos 16:29

Haipe veruka pente sapepy verã, ñani oho oo hapype, opa ryryrã ĩñesu Pablo hareka Silas hỹnonde.

Hechos 9:6

Pu'ã hareka iche tentape, haipepo mbe'uandekui rijapo verã”.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

1 Corintios 2:3

She rãnga pynynondema'ãĩrã shypyrãtãã, akyje hareka opa aryry.

1 Corintios 4:14

Ambyparaãpe kova apyrỹmymarãka verã, Apyrỹmboi verãĩ rãnga, shara shyrayre ahaihuva rãĩmi apyryraihu.

2 Corintios 7:15

Hãrã hai pyndyraihuiteve manduahe marãra pijaposhu hai heivarã, hareka marãra vy'ape hareka kyje ryheve pymyvãhẽshu.

Efesios 6:5

Pee jokuehareare, ñee pyhendushu pokue'ia ko yvy'ĩãrẽ, mbyveteavape hareka japumbape, pijapo hai heipeva hareka pya kavi ryheve, jokueharea Cristo pevarã japo'ia rãĩmi.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Filipenses 1:5

shara shymborypi jyve ambeu verã Ñee kaviva, tynonde arape pyhendurã vekua ã'ẽpeve.

Filipenses 1:6

Arojakatu'ãĩ Tũpa õñepyrõ vekua mbai haikaviva japo pyndyreherã, japoveteripo oho Jesucristo oujypeve.

Filipenses 2:19

Ãhãrõ'ãĩ Ñandeja amondo verã Timoteo, avya verã aikuama pyhevi marãra piko.

Filipenses 4:1

Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.

Filipenses 4:15

Pee Filipope'õre pikuaa jyve, ãñepỹrõ ambeu'ai ko Ñee kavivarã, ahajy Macedoniaivirã, koñeĩ pende tũpao rahaka she Tũpape me'ẽãva aikotẽveva pevarã.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

2 Timoteo 2:10

Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 4:1

Hãrã jairykyje, ĩmeterijare ñee me'ẽãva jaiche verã Tũpa putuuvaperã, mahẽ ã'ãmo pee pya mbijeta reta hipitymba verã.

Hebreos 4:11

Hãrã ñañehããpo jaiche hokava putu'uavape, mahẽ mbava oakui ñee hendumba'iare rãĩmi ikorã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.