Filipenses 2:1 - NandevaBiblia

¹ Hãma Cristo meẽpe mbaikatu pymykyrẽỹ verã yngava retape, jyhaihukue pyndyraha pypyrỹmbypya kavi verãrã, hareka Espiritupe ñimi'ĩrũ hãndivape hareka ĩmepyre pya kaviva hareka pyryparekovarã,

Filipenses 2:1 ပူးပေါင်းရင်းမြစ်များ

Lucas 2:25

Hokava arape Jerusalénpe iko'i pente kuimbai heko kaviva Simeón he'iashua. Tũpa õmombaiva hareka harõ'iva Israel mupu'ãjy verã. Espiritu Santo ẽẽ hãndi.

Juan 14:18

Apyryrejããpo tuumbare rãĩmi, aijypo aiko penendiekui.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Juan 17:13

Ahamapo rẽĩvape, hãrã ambeu kova mbai ko yvy'ĩãrẽivi ndei ãhẽrã, haire vya verã jyve she rãĩmi.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

Hechos 4:32

Opaite jyrojavare pente pyapeĩjyre hareka pente ñeepeĩ ñynoĩ; hareka mba'ety heiva ha'ei ña'ãpova mbai ĩmereva, opava ña'ãpovare haire ña'ãpova jyve.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Romano 8:26

Kyrã Espiritu ñanymbory ñanykangyñaĩrã. Shara jaikatuã ñaĩmboi, ñaĩmboi verã rãĩmi, tẽvã Espiritu teiva Tũpape jurure ñandyrehe, katumba ĩñee rupii kuaahava.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.

1 Corintios 15:31

Shara shyryvyre, opa ara ãĩ shukaha verã. Hokava ãñete, añeteva rãĩmi vy'akue areko pyndyreheva, pirojahe Jesucristo Ñandejarã.

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

2 Corintios 13:14

Ñandeja Jesucristo tymaĩkavi pyndyrehe. Tũpa jyhaihukue hareka Espiritu Santo tiko penendie.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Efesios 4:4

pee hai pente tyreteĩ hareka pente Espirituĩ, pynyrẽnohava rãĩmi pente ñyhãrõpeĩ ohojepevape.

Filipenses 1:8

Tũpa kuaa marãra opaiteva ãñeteĩte apyryraihu shypyaivive jyhaihukuepy Jesucristo meẽsheva.

Filipenses 3:3

Ñande hai ãñete ñymbai pire chĩchĩava; ñamombaiva Tũpa ñande espiritu ryheve, javyava Cristo Jesure, hareka jairojambaheva tyroore.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Juan 3:24

Hãma japova hai heiva, haire ẽẽ ñynoĩhe Tũpa, hãrã haire ẽẽ jyvepy. Kyrã jaikuaa hai iko ñandypyape, Espiritu Santo hai meẽ ñande vekua rupii.

1 Juan 4:12

Mba'etyiteimba Tũpa heshava, tẽvã ñande jaijyhaihurã Tũpateipo iko ñandypyape, hareka hai jyhaihukue jykuaakavi ñandyrehe.

1 Juan 4:16

Ñande jaikuaa hareka jaroja Tũpa ñandyraihuva, shara Tũpa hai jyhaihu añeteva, hareka Tũpa jyhaihukue pyape ĩmereva, Tũpa iko jyvepy.