Filipenses 1:9 - NandevaBiblia

⁹ Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

Filipenses 1:9 ပူးပေါင်းရင်းမြစ်များ

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

2 Corintios 8:7

Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.

Efesios 5:17

Avy piko pya mbijetambare rãĩmi kuambaa mbaivara iko, pikuaapo jyve mbaivara Ñandeja pota.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

1 Tesalonicenses 3:12

Hareka Tejapo japo pyrehe pijaihuve peho verã hareka opaitevape pyhaihu verã, ore pyndyraihuhava rãĩmi.

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

Filemon 1:6

Jyroja katuhe Ñandeja, ore rãĩmi. Hãme rãnga airure Tũpa rirojañoĩhe verã opa mbai haikaviva rikuaapeve jajapo verã Cristo jahaihurã.

Hebreos 5:14

Tẽvã ho'uava tantava hai opama syryvare pevarã, maĩ kavivare, shara heshakavima mbaivara haikavi hareka porãã.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.