Filipenses 1:7 - NandevaBiblia

⁷ Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Filipenses 1:7 ပူးပေါင်းရင်းမြစ်များ

Hechos 20:23

Koñeĩ aikuaava hai, opaite tentare ahavaipi Espiritu Santo heishe shy'ãrõ'ẽvã shymbyperesoha verã hareka heta aiko'asy verã.

Hechos 21:33

Hãrã mburuvisha pysykashu Pablo, hareka pokuakashu mokue kadenape; haivi pyrãndushu kuaretare mbavara hai hareka mbaivara japo.

1 Corintios 13:7

Japyryraihu he'ise opa mbaipe jahasa'asy, jairoja, ñahãrõ, hareka opa mba'e jepyhe.

1 Corintios 9:23

Opa mbai ajapo, ajapohe kova Ñee kaviva rehe, shara aipota apity jyve hai rupii sha'ãpova.

2 Corintios 3:2

Pee rãnga hai yrykuatia, yrypyape mbyparahava, opaĩ heshava hareka mbijetava.

2 Corintios 7:3

She ha'ẽãpe kova pota aijeta'ai pyndyreherã, haimape kueve, shypyape apyryre, penteapeĩ jaiko verã hareka penteapeĩ ñamano verã.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 6:20

Tũpa shymondo ambeu verã ko ñee hãme rãnga ã'ẽ shymbyperesoha. Tẽvã pimboi shyrehe, aijetahe verã jyroja katupe, aijeta verã rãĩmi.

Filipenses 1:12

Shyryvyre, aipota pikuaa kova mbai jehushevare haikavi jyve Ñee kaviva ryheva ñimbitivishave oho verã.

Filipenses 1:13

Opaite syndarore ẽvã mburuvisha vasu hoope hareka yngavare, kuaa reta Jesucristo ahaihurã rehe shymbyperesoava.

Filipenses 1:14

Hãrã hoka mykyrẽỹ opaite shyryvyre mbeu verã Tũpa ĩñee, kyjembape hareka jyrojakue ryheve Ñandejare.

Filipenses 1:5

shara shymborypi jyve ambeu verã Ñee kaviva, tynonde arape pyhendurã vekua ã'ẽpeve.

Filipenses 2:22

Tẽvã pee pikuaama marãra haikavi Timoteo heko, hareka shyray rãĩmi shymbory ambeu verã Ñee kaviva.

Filipenses 4:14

Katynga, pee pijapo kavi shymborypi aikotẽvevaperã.

Filipenses 4:15

Pee Filipope'õre pikuaa jyve, ãñepỹrõ ambeu'ai ko Ñee kavivarã, ahajy Macedoniaivirã, koñeĩ pende tũpao rahaka she Tũpape me'ẽãva aikotẽveva pevarã.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

Colosenses 4:18

She Pablo, shepopetei ambyparape kova marãndu. Pymandua shyrehe shymbyperesoavape. Tũpa tiñono pearẽ jyhaihukue. Amén.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Tesalonicenses 5:5

Opaiteva rãnga pee mbai sapeka hareka ara kõĩvapeva. Ha'eã ñande pỹntu hareka timimbiape'õ;

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

Filemon 1:13

Sheara aipotate pyta shendie kope, shymbory verã nyrẽndakuepe ãĩmeteri'ãĩ shymbyperesoavape Ñee kaviva rehe.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

2 Pedro 1:13

Aikoterirã, ajapo verã hai apyrỹmykyrẽỹ hareka apyrỹmymandu'aka verã opaite kovare.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.