Filipenses 1:21 - NandevaBiblia

²¹ She pevarã shykove hai Cristo, hãrã amanorã haikavitevemapo ãĩkui.

Filipenses 1:21 ပူးပေါင်းရင်းမြစ်များ

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 3:22

ajemaĩpo Pablo, Apolo, Pedro, maĩrã, ko yvy. Ajemaĩpo tykove, ñymano, ara ã'ẽpeva hareka ara ou verã; opaiteva rãnga hai pa'ãpovare.

2 Corintios 5:1

Ñande jaikuaa ñandykove hãĩ, oo yvy'ĩãrẽ'õ opa ñymbai verã, tẽvã kova oo opa ñymbairã, Tũpa myhẽvã'ẽ ñande vate arape pente oo opa ara pevarã, haimba kuaretare ipope japova.

2 Corintios 5:6

Hãme rãnga ỹrỹkyrẽyñoĩ, hareka jaikuaa ñaĩmeteriñaĩ ko ñandyreperã mbyrypoñaishi Ñandeja.

2 Corintios 5:8

Tẽvã jairojañaĩ ñandypyavasu ryheve, hãme rãnga pota mbyryñaĩshi kova ñandyrete, ñaĩ handi verã Ñandeja.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Galatas 6:14

Tẽvã she katuã mbaivare airoja'ai shijehe, Jesucristo kurusureĩ rãnga. Shara Jesucristo kurusure mano rupii, she pevarã ko yvy manoma, hãrã she amanoma jyve ko yvy pevarã.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

Filipenses 1:22

Tẽvã, aikoteri ko shyreteperã, katupo amba'apo kaviteri amaĩ kavihe verã heta yngavare, aikuãã marãvara apyhỹrõpo.

Filipenses 1:23

Mokue maĩnunga shopy; shykyrẽy amano aĩme hãndi verã Cristo, hokava hai haikaviteveva;

Filipenses 2:21

shara opaiteva yngavare heka haire pevarãĩ haikavishuva, ha'ẽã Jesucristo ryheva.

Colosenses 3:4

Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.