Filipenses 1:13 - NandevaBiblia

¹³ Opaite syndarore ẽvã mburuvisha vasu hoope hareka yngavare, kuaa reta Jesucristo ahaihurã rehe shymbyperesoava.

Filipenses 1:13 ပူးပေါင်းရင်းမြစ်များ

Hechos 26:29

Pablo hei: Shara mishĩĩ maĩrã tivishara airureshu Tũpa avy ndeñoĩte verã, opaite ko arape shyrẽndu'õ reta jyve tiko she rãĩmi, tẽvã ha'ẽã ko kadena ryheve.

Hechos 26:31

Haivi yngai jyraha ijetahe verãre kova mbaire, hãrã hei jyre ijupe: Ko kuimbai mba'ẽã japo mano verã maĩrã mbyperesoha verã.

Hechos 28:17

Romape vãhẽha ohoharã mbahapy araheape, Pablo hẽnoka Judiore juhuvisha hareka ñymbatyma hãndi retarã heishu: Shyryvyre ajemaĩ ajapoã porãmbava ñanyrẽtare hareka ñanytynondevare jypykuava rãĩmi, tẽvã Jerusalenvare shiñono Romavare ipope.

Hechos 28:20

Hãme rãnga apyrỹrẽnoka jyve, apyryresha hareka aijeta penendie verã, Israelitare hãrõva rehe rãnga shapĩtĩha ko kadenape.

Hechos 28:30

Pablo pyta mõkue ãño pente oo poryhakashuvape kyrypotire, hãrã haipe myvãhẽ opaitea ouva hai ẽvãpe.

Efesios 3:1

She, Pablo, shymbyperesoava Jesucristo aijokueka'aishurã, pyndyrehe judiombavare.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Efesios 6:20

Tũpa shymondo ambeu verã ko ñee hãme rãnga ã'ẽ shymbyperesoha. Tẽvã pimboi shyrehe, aijetahe verã jyroja katupe, aijeta verã rãĩmi.

Filipenses 1:30

Pee hareka she rãnga ñaĩmeñaĩ penteva ñyhããpeĩ, hokava pyheshama shyrehe, hareka ã'ẽ pyhenduma marãra ãñehããtẽ aha'ai.

Filipenses 1:7

Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Filipenses 4:22

Opaite heko kyambare, tynondeite'ẽ Romape huvisharã'õ hoo vasupe'iare, pynymymarãnduka jyve.

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.