Colosenses 4:12 - NandevaBiblia

¹² Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Colosenses 4:12 ပူးပေါင်းရင်းမြစ်များ

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Lucas 1:1

Heta'ẽ oñehãã hendape kavi ñonova arykai mbai añeteva ỹrymbytepe iko vekua,

Lucas 22:44

Hãrã Jesús vyamba japyraha'õpe, ñymyrõĩteve jurure; haivi tykyshi pirie yvype turuvy tivisha rãĩmi.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 2:6

Tẽvã ñee ãrandu ryheva aporyñoĩhe Tũpa ĩñee kuaa kavimavare, ha'ẽã kuaretare, maĩrã huvishare ñy'ãrãndu, hokava hai oparei verã.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Galatas 4:19

Shyrayre, shyrasyitejy pyndyrehe, tesy memby'ẽ verã hasyshua rãĩmi, Cristo ijapopeve pyndypyape.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

Colosenses 1:29

Ha'erã amba'apo hareka heta añehãã, kova pyrãtakue Cristo meẽsheva rupii.

Colosenses 1:7

Kyrã rãnga pynymboi Epafras, mba'apoha'i hãndiva haihuhava, hai rãnga jyroja kaviva; Cristo jokueva opaite pee pevarã.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Colosenses 4:9

Oho jyve hãndi Onésimo ñandyryvy jahaihuva, hareka hai pyndyryheva jyve; hai retapo opa mbeupekui mbaivara iko koipi.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

Filemon 1:23

Epafras, shi'ĩrũ shymbyperesoavape'ãĩ hãndia Jesucristo rehe nymarãndu jyve.

Hebreos 5:14

Tẽvã ho'uava tantava hai opama syryvare pevarã, maĩ kavivare, shara heshakavima mbaivara haikavi hareka porãã.

Hebreos 5:7

Cristo ko yvy'ĩãrẽ kuareta rãĩmi ikorã, hỹnatu, hareka jaheo ryheve jurure'asyshu Tũpa, rekova mbaikatu mondojepeshi verã ñymano; hãme ñee hendurã Tũpa hendushu.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Santiago 1:4

Piñyhãã katu hokava ñyhãrõkuaa pyndyraha verã hekope kavi'õpe; opakavi pẽĩvape hareka mbaimba pikotẽvẽheape.

Santiago 5:16

Hãme pymbeupo ijupe mbai porãmbare pijapova hareka pirure ijehe pykuera verã. Heko kaviva japova ñymboi heta ĩmere mbaikatu hareka pyrãtakue.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.