Colosenses 3:5 - NandevaBiblia

⁵ Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Colosenses 3:5 ပူးပေါင်းရင်းမြစ်များ

Mateo 15:19

Ñandypya ñambijeta rupii õhẽ mbai porãmba, ijukava, javasa'ia, kyrãĩrãĩ'iare, manarõ, japuva, ijetareiva hapishare hareka jahehea.

Romano 1:26

Hãme rãnga, Tũpa hejashu reta haire potava pyrỹmymarãkavape, ñukuña retave ñateỹ iko hãndi kuimbaire, koñeĩ pota iko hãndi yngava taupere.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 6:6

Jaikuaa kavi arykai jaiko vekua rãĩmi, mbysavavahava kurusure Jesucristo hãndi, kova porãmba jaiko vekua rãĩmi mby'opaha verã hareka jyve jaikoveama jaijokuekashu verã mbai porãmba.

Romano 7:23

Tẽvã shypyape ãñandu pente mbai shijokova shypya ambijeta kavi verã: Hokava hai ñee mbyparahava mbai porãmba ryheva, shypyape ẽvã hareka shymbyperesotei'i.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

Romano 8:13

Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

1 Corintios 5:1

Oparupi mbe'uha pymbytepe ĩme'ẽ ishy rãngai rekorevarã. Kova mbai rãnga porã'ãĩte, Jesús jyrojambaheare mbytepe ikoãhai kova mbai.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

1 Corintios 6:13

He'ia rãngajy: “Ho'uava reta rãnga, ñandyrye pevarã, hareka ñandyrye ho'uava pevarã”. Ãñete rãnga hokava, Tũpa opapo mbaikui mokue'õre. Tẽvã ñandyrete ha'ẽã teko kyava pevarã, Tũpa pevarã rãnga hareka Ñandeja hai ñandyrete pevarã.

1 Corintios 6:18

Piñymymbyryshi teko kyavaivi. Opa mbai porãmba vekua kuareta japova, hetereã japo, tẽvã omendambape kyrãrãĩ'iare, hetere japo mbai porãmba vekua.

2 Corintios 12:21

Kova aha verãpe akyjejy, shu Tũpa shymymarãka pynynõnde verã, hareka katu ajaheo mbai porãmba japo'iare rehe, hareka hejãã reta maĩnunga porãmbare, kyrãrãĩ'iare, heko ky'akuepy jypykuamavare.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Efesios 4:19

Hama ñynotiveama ñymeẽ tykove porãmbape, japo verã opa maĩnunga kyaava pota japoivĩ.

Colosenses 2:11

Cristo rupii pindipire chĩchĩama jyve. Tẽvã ha'ẽã japoava tyretere, koñeĩ ñandipire chĩchĩãva Cristo japo ñandyreheva, hareka ñandyreky porãmba vekuaivi.

1 Tesalonicenses 4:3

Shara Tũpa potava hai tykove kyambava, hareka avypo mbava javasa'i,

1 Tesalonicenses 4:5

Avy piko pyndavasapi hareka porãmba pipota pijapo, kuareta Tũpa kuaambare rãĩmi.

1 Timoteo 6:10

Shara kyrypoti jyhaihu hai opa mbai porãmba vekua jypy, hãrã ĩme'ẽ kyrypoti potaiterã poi jyrojava, hareka heta veru ijupe jyhasa'asy hykovepe.

Hebreos 12:16

Avypo mbava kyrãrãĩ'i hareka mbai jahehe Tũpape mbijicheavare. Kova japo Esaú, hai meẽhe ho'uava ña'ãporãte vekua tyray tynondeva ryheva.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

Hebreos 13:5

Avy pejepy'apy hetavepyre verã kyrypoti, pyvy'a ĩmepyreare; shara Tũpa hei: “Hai'aĩtei neĩ aryreja verã”.

Santiago 4:1

Maivira ou ñyrãrõ hareka ikoraiva pynymbytepe? Pyndyhevi rãnga ou, mbai potakue pypyaivi ouva, ñyrãrõñoĩ pyndyretepy.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.