Colosenses 3:3 - NandevaBiblia

³ Pee rãnga pymanomatẽ arykai piko vekua rãĩmĩ, hareka ã'ẽ tykove py'ahu pyrekova Cristo hãndi, natu'ẽpe Tũpa pee pevarã.

Colosenses 3:3 ပူးပေါင်းရင်းမြစ်များ

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 5:40

tẽvã patẽy pei ãĩvape pyreko verã hokava tykove.

Romano 5:10

Ajemaĩ ñaĩñymbyvaishotẽhe Tũpa, Tay ñymano rupii ñaniñonoãjykavi hãndi, hareka hai ñaniñonojy kaviteve hãrã jahajepepo Tay hykove rupii.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

Romano 6:11

Kyrãipo jyvepe pikopo pymanomava rãĩmi mbai porãmba pevarã, tẽvã pimeĩpirã hai Tũpa pevarã Cristo Jesús piñymypente hãndiva rupii.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

1 Corintios 2:14

Hãma Espiritu Tũpaivi ouva mba'etyrea, ñatẽy hendu Espiritu ryheva, hãrã hai pevarã heihe mbaimba vekua, hareka kuããvãĩjy, shara mba'etyre Espiritu Tũpaivi ouva.

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.

2 Corintios 5:7

Shara jyrojakuepeĩ ikoha, ha'ẽã heshahava rupii.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 3:9

meẽjyshe opaite apyrỹmbykuaaka verã opa rupi kova Tũpa, opava japova, arykaivaĩ ñomireva opa ara.

Filipenses 4:7

Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

Colosenses 2:3

hai ĩãrẽ ẽẽ opa mbai haikavivare ouva mbaikuaakue hareka ãrãnduivi.

Colosenses 3:4

Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.

Hebreos 7:25

Hãrã katu mondojepe jyve opaite hai rupii Tũpa kyty ñymbojavare, shara hai iko opa ara, jururehe verãre Tũpape.

1 Pedro 3:4

Katynga pymymashyãpo pyndypya ñemiãpe'õ mbai haikaviva ñymbaimba, espiritu pyryhaihuva hareka pyavapyva ryheva, hokava rãnga haikavi Tũpa hỹnonde.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

Apocalipsis 2:17

Japysava tyhendu Espiritu heiva tũpao retape: Õhẽkaviva ñyrãrõivi ambyho'ukapokui maná ñomihareva ameẽpojyshu reta ita tĩĩva, mbyparahaheva tyree py'ahuva, mbavamba kuaava, koñeĩ me'ẽãshuvaĩpo kuaa.