Colosenses 3:22 - NandevaBiblia

²² Jokuehareare, opa mba'epe piniñeerẽndushu pokue'õ ko yvy'ĩãrẽ'õre, ha'ẽã maĩ'ẽ pyreherãmeĩ pymba'apo verã pota pẽĩ kavi hãndirãmeĩ. Haikavivepo pyakavipe pijapo hareka Ñandeja pykyjeshiape.

Colosenses 3:22 ပူးပေါင်းရင်းမြစ်များ

Mateo 6:22

Tyresa reta rãnga hai tyretepy sapeva, hãrã ndyresare haikavirã, sape kavipo ndyretepe.

Mateo 8:9

She ãĩ jyve mburuvishare ipope, hãrã ĩme'ẽ jyve shepope syndarore, penteva syndaro ekua haishurã, hokava oho; yngava syndaro haishu “ei kope” hai oupo; jokuehareirea reta pijapo haishurã, haire japo.

Lucas 6:46

Marã'irãra pereshe, “Sheja, Sheja”, hareka pijapoã she hai peeva?

Lucas 7:8

She rãnga ãĩ jyve mburuvisha ipope, hãrã ĩme are jyve syndarore shepope. Haishu penteva oho verãrã, oho; hãma ĩrũre haishu ou verãrã, ĩme'ẽ ajapokashu verã jokuehareirearã, japo.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

2 Corintios 7:1

Hãme, shyryvyre ahaihuva, kova ĩmejareva hai ñee me'ẽãva. Hãme avypo ñaimyngyapy opaite katu ñanymyngyavare, katupo ñandyretepe maĩrã espiritupe, kyrãpo ñandyky'ãã shara Tũpaivi jakyje.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Colosenses 3:20

Sanjayre, opa mba'epe piniñeerẽndushu papohare, shara hokava mbyvya Ñandeja.

1 Tesalonicenses 2:4

Kyrãtẽverã, ijetaha kuimbai Tũpa mbyhaikaviva rãĩmi hãrã ĩrĩñono mbe'uha verã Ñee kaviva, hãma hokava hai japohava. Ha'ẽã kuaretare pota pya oho yryreherã, koñeĩpo Tũpa, opa kuaava ñandypyape'õ.

Filemon 1:16

Koñeĩ ã'ẽ haiveãma pente jokuehareireva rãĩmi ryre verã, ndyryvy ryhaihuva rãĩmimapo, haikavive kyrã. She ahaihu, tẽvã nde ryhaihuitevepo, ha'ẽã kuaretare rãĩmi rĩmoña hãndiva rãĩmipo Ñandeja rehe.