Colosenses 3:13 - NandevaBiblia

¹³ Pyma'ẽĩ pijehe, pyhejareii ijuhuvi ĩme'ẽ yngava hapishare poshyshuarã. Kyrã Tũpa hejareii pyheviva rãĩmi pyhejareii ijuhuvi.

Colosenses 3:13 ပူးပေါင်းရင်းမြစ်များ

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Marcos 11:25

Pimboipeĩrã, pyhejareiishu ĩmepyre porãmba papisha hãndirã, hãrã Ñanderu vate arapy'õ, hejareiipo jyve pyndyhevi porãmba pijapo vekua.

Lucas 11:4

Hejareii yryhevi mbai porãmba japoa vekua, shara ore hejareii jyveshi mbai porãmba japo yryrehevare. Avy ma'ẽĩhe to'aha yrypya ãhã verãpe, yryrekyshi mbai porãmbava”.

Lucas 23:34

Jesús mbysavavama kurusurerã hei: Sheru, hejareishu reta, shara kuãã reta japo ñynoĩva. Hãrã syndarore jyvavarehe reta mbijao ijupe verãre Jesús monde vekua.

Romano 15:7

Hãrã, pepenteĩ piñymyvãhẽ kavi, Cristo ñanymyvãhẽva rãĩmi, Tũpa hĩmbipeva pevarã.

2 Corintios 2:10

Pyhejareiishuvape, ahejareii jyveshi. Shara ahejareii jyve, ĩme'ẽ kyrã ahejareii verãrã, ajapo pyndyrehe Cristo hỹnonde.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

Galatas 6:2

Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

Efesios 4:32

Pyndypya kavi pindijupive, hãndi pijypareko hareka pyhejarei ijuhuvi mbai porãmba pijapo vekua, Tũpa hejareii pyndyheviva rãĩmi Cristo rupii.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

Santiago 2:13

Pyryparekombavare, mbivachehakapo parekohambape, tẽvã pyryparekova hasa kaviposhi ara pirĩmbivacheha verãĩvi.

1 Pedro 2:21

Shara ha'erãmba pynyrẽnoha; Cristo heta hasa'asy pyndyrehe, heshakape marãrapo pypyrõ peho jyve hakuerepy.