Colosenses 2:15 - NandevaBiblia

¹⁵ Cristo mano kurusurerã, Tũpa opa ity tẽãre, opaitea mbaikatu ĩmereare, hareka hetavare hỹnonde mymarãka ñysyrõvavape raha õhẽkavi ohovape.

Colosenses 2:15 ပူးပေါင်းရင်းမြစ်များ

Mateo 12:29

Mbavarapo icheva pente kuimbai pyrãtava hentape manãrõshu verã, ñapintiã hareka ipy jokuarãniããrã. Kyrã japorãrãpo katu manarõshu.

Lucas 10:18

Jesús heishu reta: “She ahesha marãra Satanas oa vate araivi, vera vekua rãĩmi.

Lucas 11:22

Tẽvã ou ynga kuimbai pyrãtãveshivarã, hekyshi ñymboka jyroja'ihea, haivi hekyshi vekuare mẽmẽshu ñi'ĩrũre.

Juan 16:11

hãrã heshakaposhu reta Tũpa ñimbivache ryheva, shara jaheamahe huvisharã'õ ko yvy'ĩãrẽ.

Juan 19:30

Jesús hou vino irovarã, hei: “Opama iko”. Haivi ñakã mbiroa yvy kytyrã, mano.

1 Corintios 15:24

Haivipo ou ara japyma verãpe, Cristo opama õhũndi mburuvisha vasure, mbaikatu ĩmereare hareka pyrãtãkue, opa ñono verã Teru ipope, Tũpa ẽvãpe.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Efesios 4:8

Kuatia mbyparahavape heiva rãĩmi: Jupijy vate arapyrã raha ijehe heta jokuaha vekua, hãrã kuareta retape meẽ mbaikaviva.

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Colosenses 1:16

Hai rupii rãnga Tũpa japo opaite arare'õ hareka yvy'ĩãrẽ'õre, opaite mbai heshahava hareka heshahambavare; mburuvisha vasure, opaite espiriture pyryrekova ipope hareka pyrãtavare; Cristo rupii opa mba'e japoha hareka hai pevarã.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.