Colosenses 1:9 - NandevaBiblia

⁹ Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Colosenses 1:9 ပူးပေါင်းရင်းမြစ်များ

Juan 7:17

Tũpa ĩñee pota japova, kuaañoĩpokui she apyrỹmboiheva, haira Tũpa potava rãĩmi, maĩrã shijuhuviira aijeta.

Hechos 12:5

Hãrã Pedro karcepe teri'ẽ ñyngarekoha'ẽheape, tũpaope ẽvãre jurure pevẽĩ ñynoĩhe Tũpape.

Romano 12:2

Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

1 Corintios 1:5

Hai rupii rãnga Tũpa meẽpe pikatu pijeta verã hareka pikuaa verã heta mbai.

Efesios 1:8

Hareka ñandyraihuiterã, ñanymynyhẽ ãrãndu hareka mbaikuaa,

Efesios 5:10

Piñyhãã pikuaa mbaivarapo mbyvyashu Tũpa.

Efesios 5:17

Avy piko pya mbijetambare rãĩmi kuambaa mbaivara iko, pikuaapo jyve mbaivara Ñandeja pota.

Efesios 6:6

Pijapo kavi maĩnunga mbe'uhape pijapo verã, ha'ẽã peja maĩ'ẽ pyndyrehe rãmẽĩ haikavi pijapo pota haikavi pẽĩ hãndirã, Cristo jokuerea rãĩmi jyve, pijapo kavi pyndypyaivive Tũpa potava.

Filipenses 1:4

Hãrã ãĩmboirã, vy'apeñoĩ shymandua pyndyrehe,

Colosenses 1:6

Hoka ñee rãnga mbe'uhamaĩpe, hareka oparupi ko yvy jerekue pũã hareka ñymbyheta oho, jehuva rãĩmi jyve pynymbytepe, hoka arape pyhendurãvaĩ ko añeteva, marãra Tũpa pyndyraihu.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Colosenses 4:5

Ãrãndupe piko hãndi Cristo jyrojambaterihevare, pipory kavi hoka ara pijetashu verãre.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 5:17

Opa ara pirure.

2 Tesalonicenses 1:11

Hãme rãnga opa ara jururehañoĩ pyndyrehe, jururehashu Tũpa piniñonorã hai rupii pynyrẽno verã hareka ñymbai katu rupii opa iko verã pee pipotava hareka opaite jyrojakue rupii japohava.

Filemon 1:4

Filemón, Tũpape ameẽñoĩshu shy'ajetekue shymanduama ndyree airurema ãĩrã,

Filemon 1:6

Jyroja katuhe Ñandeja, ore rãĩmi. Hãme rãnga airure Tũpa rirojañoĩhe verã opa mbai haikaviva rikuaapeve jajapo verã Cristo jahaihurã.

Hebreos 10:36

Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Santiago 1:5

Ĩme'ẽ pynymbytepe mbai kuambavarã, tirureshu Tũpa, haipo meẽshu ãrãndu mba'etyrea, shara Tũpa hetakavi meẽshu mbavapemba rỹrõva.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

1 Pedro 2:15

Shara kova hai Tũpa potava: Mbai kavivaĩpo pijapo, kuareta mbaimba kuaava hareka mbaimba kuavare mba'etyre verã hei pyndyrehe verã.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

1 Juan 2:17

Kova yvy opa oho'i opaite poramba vekuare ryheve, tẽvã Tũpa potava japo'iare, ikopo opa ara pevarã.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.