Colosenses 1:18 - NandevaBiblia

¹⁸ Cristo hai tãka, tũpao hai tyrete. Hai rãnga opa mbai õñepyrõhea, hareka haijy tynonde pũãjya manovare mbyteivi, kyrã hai tynonde'ẽ verã opa mba'eivi.

Colosenses 1:18 ပူးပေါင်းရင်းမြစ်များ

Mateo 23:8

Tẽvã pee avypo kuaretare pynymbyhee pyrỹmboi'ia, shara pee pente'ovare hãrã pyrỹmboi'ia rãnga penteĩ'ẽ, hokava hai Cristo.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Juan 1:1

Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

Juan 1:16

Hai jyhaihukue tynyhẽ rupii, opaiteva heta hipityka mbaikavikue.

Juan 1:27

Hokava hai shaykue ouva, tẽvã mbaivasuve shyhevi. Jypasa ĩshaĩmba ẽshea ajorashu verã.

Hechos 26:23

Jaishu, Cristo hasa'asy verã, tẽvã manorã hairãni kuerajy verã manovare mbyteivi myhyrãkuãha verã sapeva, Judio retape hareka tenta mbyryvare.

Romano 8:29

Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

1 Corintios 11:3

Tẽvã aipota pikuaa Cristo hai opaite kuimbaire ñaka, hareka kuimbai hai taupere ñakarã'õ hareka Tũpa hai Cristo ñakarã'õva.

1 Corintios 12:27

Pee rãnga hai Cristo hete ryheva, hareka opaite pepenteĩ reko japo verã.

1 Corintios 15:25

Shara Cristo mburuvisha vasurãñoĩpo'ẽ opa ñonopeve ipy ipe hyvaishorãreare.

Efesios 1:10

Shara vãhẽpokui ara ñonoãva, Tũpa opapo mbatykui Cristore opa maĩnunga, opaite mbai ẽvã vate arapy hareka yvy'ĩãrẽ'õre.

Efesios 5:23

Hãma teme reta hai tyrekore ñakã, Cristo hai ñakã tũpaore rãĩmi. Cristo rãnga jyve hoka tũpaore mondojepe verã, hokava tũpaore hai hete;

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Colosenses 2:19

Haire ñymypenteã hãndi Cristo, hai rãnga tũpao ñãka mbykuakuava opaite tyrete, hareka hai rupii opaite tyrete ryhevare pentevareĩ ñynoĩ hareka ñymboryñoĩ reta, Tũpa potava rãĩmi.

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 11:15

Tũpa jokueva 7 hea mbi'ipu trompeta, vate arape ñyhendu hỹnatu ijetavare heirã: “Ñanu Tũpa hareka ñy Mesías opama'ẽ ipope opaite ko yvy'ĩãrẽ'õre, hareka haipo opa ara mburuvisha vasurã'ẽkui”.

Apocalipsis 21:6

Heijyshe: “Opama iko! She hai õñepyrõhea hareka opahea. Ju'uhe'ia, ameẽreiiposhu ñymbyupy verã yy õhẽ'õ tykove meẽva.

Apocalipsis 22:13

She hai tynondeva hareka japyhea, oñepyrohea hareka opahea”.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.