Colosenses 1:13 - NandevaBiblia

¹³ Tũpa rãnga ñanynohẽ pyntuivi, hãma ñaniñono Tay haihuva ẽvãpe,

Colosenses 1:13 ပူးပေါင်းရင်းမြစ်များ

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Lucas 13:24

Piñyhãã katu piche õche mishĩ'õĩpi. She hai pee hetapo ẽẽ potate icheva, tẽvã katuãpo.

Lucas 22:53

Opa ara rãnga tũpao pe aiko'ai pynymbyteipi, mba'ẽã pijapo shyrehe. Tẽvã kova hai'ora pee pã'ãpova, ora mbaikatu timimbipyva.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 3:35

Tũpa rãnga haihu Tay, hãrã opa mba'e ñono hai ipope.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

2 Corintios 11:14

Hokava ha'ẽã haĩrãĩ jahesha verã. Satanás teiva rãnga ikopy hete heshaha verã pente Tũpa jokueva hĩmbipeva rãĩmi!

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 1:6

Kyrãpo ñamombai vasuñoĩshu Tũpa shara ñandyraihuite, hareka hai ĩãrẽve meẽjy ñande mbai haikaviva Tay haihuva rupii.

Efesios 4:18

hareka ñaka opa pyntushiva. Haire mba'etyre ko tykove ouva Tũpaivi, mba'ẽã kuaa retarã hareka pya tãtãivi.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

1 Juan 2:8

Katynga kova ambyparapeva pente ñeẽ japoha verã hai py'ahuva, hokava hai añeteva Cristore hareka pyndyrehe jyve, shara timimbi vekua hasama oho'irã, hareka sapeva añeteva mykõĩma'ẽ.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.