Apocalipsis 19:14 - NandevaBiblia

¹⁴ Oho haykue syndaro vate arape'õre, kavaju tĩĩvare'iare, ñymonde mondeava pyrẽrĩvapy, tĩĩva hareka kyamba.

Apocalipsis 19:14 ပူးပေါင်းရင်းမြစ်များ

Mateo 21:5

Pereshu Sionpe'õre: “Pymaĩhe, kõõ ou punduruvishavasu mbirikare, mbirikamire, jyrojamba ijeheva”.

Mateo 26:53

Rikuãra katuĩ airure jyveshu Sheru, aipotarã hai katupo mbou 12 õ ñymbatyva jokuevare?

Mateo 28:3

Tũpa jokueva ara verava rãĩmi himbipe hareka mondeva tĩĩ mandyju rãĩmi.

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

Judas 1:14

Kova retare rãnga Enoc ijeta jyve, kuimbai 7 hea, Adan heirã vekua: “Pymaĩhe, Ñandeja heta ou hãndi jokuevare,

Apocalipsis 14:1

Haivi amaĩrã, aheshajy Avisha Ray ñymboy'ẽ ñana'õ Sionpe, haipe õĩ hãndi 144.000 ĩmereva Avisha Ray hee hareka Tuu hee mbyparava syvare.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 19:8

Tũpa mymondekama mondehava pyrẽrĩva, kyambava hareka hĩmbipeva. Kova mondeava pyrẽrĩva he'ise Tũpa ryhevare kyambare hekopekavi japo vekua”.

Apocalipsis 3:4

Tẽvã Sárdispe mbovyĩ'ẽ mondeva myngyambavare, hãrã hokavare mondeva tĩĩva ryhevepo iko shendie, shara kyrã'ẽ jyveshu retarã.

Apocalipsis 4:4

Hãrã vapyhasepya jerevejyhe 24 vapyhasepya hareka hokavape vapyñynoĩ 24 kuakuavare tĩĩvapy ñymondeare tankare ñonoava ita vera ijuva ñaka retare.

Apocalipsis 7:9

Hokaivima amaĩrã, ahesha kuareta jahe vekua, katumbaa mbava opa papava, opaite hekyava tenta vasuivi, kuareta ñymoñashiare, henta'õre hareka opaite tiñeere, ñymbou ñynoĩ vapyhasepya Avisha Ray hỹnonde, hareka tĩĩvape ñimimondevare ipopere reta karãnday hãka.