2 Timoteo 4:18 - NandevaBiblia

¹⁸ Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

2 Timoteo 4:18 ပူးပေါင်းရင်းမြစ်များ

Mateo 13:43

Hoka arape heko kavivare himbipepo kuarasy sapeva rãĩmi Sheru Mburuvisha vasurã vate araivi ouva. Opaite japysa'iare, tyhendukavi.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Lucas 11:4

Hejareii yryhevi mbai porãmba japoa vekua, shara ore hejareii jyveshi mbai porãmba japo yryrehevare. Avy ma'ẽĩhe to'aha yrypya ãhã verãpe, yryrekyshi mbai porãmbava”.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 22:29

Hãrã sheteivapo apirĩñono huvisha vasurã, Sheru shiñonova rãĩmi,

Juan 17:15

Airureã nde ryheky verãre ko yvy'ĩãrẽivi, ñyngarekõĩheshi reta mbai porãmbava.

Romano 11:36

Shara opaite Tũpaivi ouva, hai rupii hareka hai pevarã. Hĩmbipekue opa ara Tũpa pevarã! Amén.

Romano 16:27

Tũpa penteĩ'õ, koñeĩ iñarãnduva, hĩmbipe opa arape Jesucristo rupii! Amén.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 10:13

Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

1 Corintios 15:50

Aipota hai pee, shyryvyre, kova tyro'o hareka turuvy ẽẽãposhukui iche verã Tũpa ẽvãpe; shara opareiiva katuãpo jihia opamba verã.

2 Corintios 1:10

Ñanynohẽ, hareka ỹrynohẽjypo ñymanoivi. Jyrojahahe ỹrynohẽjyñoĩ verã,

Galatas 1:5

Opa ara toñemombai vasu Tũpa. Amén.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

2 Tesalonicenses 3:3

Tẽvã Ñandeja hekokavi, hai ñyngareko pyndyrehe verã opaite mbai porãmbaivi, shara hai opañoĩpo japo heiva.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

2 Timoteo 4:1

She aheja nde Tũpa hareka Cristo Jesús hỹnonde, oujy verã mburuvisha vasu rãĩmi jahehe verã hykoveteri'iare hareka manoma vekuare,

Hebreos 11:16

Tẽvã potañoĩ reta pente tenta haikaviva iko verã retape, jaishu, tenta mashyãva vate arape'õ. Hãme rãnga Tũpa notiã he'iashu verã haire ñu Tũpa, hareka ĩmere pente tenta myhẽvãha'õ haire pevarã.

Hebreos 12:22

Katynga pee piñymboja yvyturusure hareka tenta Tũpa hykove'ia ña'ãpova, Jerusalén mashyãva hareka piñymboja jyvehe hetaraivi Tũpa jokuevare haipe ñymbaty pyraheshu verã Tũpa,

Hebreos 13:21

Haipo pynymboi opa mbai haikaviape, pijapo verã hai potava, hareka tijapo pyndyrehe mbai kaviva Jesucristo rupii. Jesúspe tymyvãhẽha hĩmbipekue hareka opa ara toñemombai. Amén.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

1 Pedro 5:11

Hai pevarã hai mbaikatukue opa ara. Amén.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.