2 Timoteo 4:17 - NandevaBiblia

¹⁷ Tẽvã Ñandeja shichere ẽẽ hai, hãrã meẽshe pyrãtakue ambeu verã Ñeekavi hareka kyrã japo opaite haimbaa israelitavare hendu verã. Kyrã Ñandeja shymondojepeshi java jurukueivi.

2 Timoteo 4:17 ပူးပေါင်းရင်းမြစ်များ

Mateo 10:19

Tẽvã pynymẽ'ẽhama mburuvisha ipoperã, avy pejepy'apyhe perepi verãre maĩrã pere verã rãĩmi, shara Tũpa meẽpope ñee pere verã rãĩmi.

Lucas 1:1

Heta'ẽ oñehãã hendape kavi ñonova arykai mbai añeteva ỹrymbytepe iko vekua,

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 15:31

Pirureshu Tũpa shynohẽjy verã jyrojambare Judeape'õ retaivi hareka ñandyryvyre heko kyambare Jerusalenpe'õre myvãhẽ kavi verã ofrenda arahashuva,

2 Corintios 12:9

Tẽvã hai heishe: “Koñeĩ rikotẽve shyhevi jyhaihu; shara mbaikatu ĩme'areva ijeshaka kavi kangykuepe”. Hãrã shypyrãtamba vekuapeĩpo airoja shijehe, Cristo pyrãtãkue ẽẽ sheãrẽ verã.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

1 Timoteo 1:12

Ameẽshu shy'ajetekue Ñandeja Jesucristo shymypyrãta'iva, jyroja shyreherã hareka shiñono amba'aposhu verã.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.

2 Timoteo 3:11

shymoñaha'irã hareka jyhasa'asykuere. Rikuaa iko shyrehe vekua Antioquiape, Iconiope, hareka Listrape. Tẽvã opa kova mbaivi Ñandeja shynohẽjy.

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

Tito 1:3

Hãrã jy'arape kavipo pyrymbykuaaka ĩñee, Tũpa ñanymondojepe'ia heishe vekua ambeu verã.

Hebreos 11:33

haire jyroja rupii jepyhe reta tentavasure, ñimbivachepe japo reta hareka hipity reta mbe'uava; java juru mbotyshi reta,

1 Pedro 5:8

Pikokuaa hareka pimoãkatu, shara ãña pyndyvaisho java karõrõ'ia rãĩmi jere'i pyndyrehe heka'i hou verãrã.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.