2 Timoteo 4:10 - NandevaBiblia

¹⁰ shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

2 Timoteo 4:10 ပူးပေါင်းရင်းမြစ်များ

Mateo 12:32

Tũpa hejareiiposhu kuareta Tay ijeta porãmbahea, tẽvã Espiritu Santo ijeta porãmbahea, ko yvy'ĩãrẽ hejareiiãposhu hareka ara ou'ẽ verãpe.

Mateo 26:56

Tẽvã opava kova iko'ẽ hekope, Tũpa ĩñee mbeu'iare hei vekua Tũpa ĩñeepe. Haivi mboireare opa hejashu Jesús hã'ẽĩ.

Lucas 14:33

Kyrã, ĩme'ẽ peeva opa kavimba heja opava maĩnunga ĩmerevarã, katuãpo ikoshi amboi'area.

Lucas 16:13

Pente jokueharea katuã mokuere jokue'õ, shara heshatãpo pente, ĩrũĩpo haihushu; penteĩpo japoshu heiva, ĩrũpo japoãshu heiva. Kyrã jyve pee katuã Tũpare pẽĩva seveivãĩ pẽĩjyhe kyrypoti.

Lucas 17:32

Pynymanduahe Lot hyrekokue.

Hechos 13:13

Pablo ñi'ĩrũre hãndi jyraha varkope Pafosvi, tenta Perge Panfiliakyty, tẽvã Juan yngaty ohojyshi reta hãrã oujy Jerusalenpe.

Hechos 15:38

Tẽvã Pablo pya ohoãhe raha verã, shara hejareimba reta Panfiliape jyrerã shara ñateỹmba jyraha hipi mba'apo verãpe.

Hechos 16:6

Hasa jyraha reta Frigia hareka Galaciape, shara Espiritu Santo ñonoãshu reta mbeu verãre Tũpa ĩñee Asiape.

Hechos 17:1

Haima Pablo hareka Silas ohomarã, hasa reta Anfipolispi, hareka Apoloniaipi. Hãma vãhẽ oho Tesalonicape, haipe'ẽ Judiore ñymbatyseape.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Hechos 17:13

Judio Tesalonicape'iare kuaama Pablo hareka Silas mbeu jyre Tũpa ĩñee Bereaperã, oho jyve reta haipe opa momohẽ kuareta heta vekua.

Hechos 18:23

Haivi heta arama pyta haiperã, õhe vatajyhupi, pepenteĩ vãhẽ Galacia hareka Frigiaipi, mykyrẽyjy Jesús mboireare.

2 Corintios 2:13

Tẽvã ajepy'apy ai aheshãã shyryvy Tito Tróasperã. Hãme rãnga aheja retarã aha Macedoniape.

2 Corintios 7:6

Tẽvã Tũpa mbypya vapyva kyrẽỹveãmavare, yrỹmbymbypya vapy Tito vãhẽ ourã.

2 Corintios 8:16

Ãmeẽ shy'ajetekue Tũpape hai ñono Tito pyape she rãĩmi ojepy'apy pyndyrehe verãrã.

2 Corintios 8:23

Tito rãnga hai shi'ĩrũ hareka shymbory'ia pee pevarã; hãma ñandyryvyre oho hãndivare, hai Jesucristo jy tũpao mondovare, hareka Cristo õmombai'iare.

2 Corintios 8:6

Hãmeara jururehashu Tito, hai õñepyrõ vekua opa japo verã pymbytepe, kova mbai kavikue pijapova.

Galatas 1:2

She hareka opaite ñandyryvyre pynymarãndu pee tũpao reta Galaciape peĩva.

Filipenses 2:21

shara opaiteva yngavare heka haire pevarãĩ haikavishuva, ha'ẽã Jesucristo ryheva.

1 Timoteo 6:10

Shara kyrypoti jyhaihu hai opa mbai porãmba vekua jypy, hãrã ĩme'ẽ kyrypoti potaiterã poi jyrojava, hareka heta veru ijupe jyhasa'asy hykovepe.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

2 Timoteo 1:15

Rikuama rãnga tenta vasu Asiape'õre opa shyreja retarã, ẽẽ jyve Figelo hareka Hermógenes.

2 Timoteo 4:16

Tynondeite aijeta shijehe huvishare hỹnonderã, mba'ety shichere ẽvã; opaite shyreja reta. Airureshu Tũpa potambaa jahehe verã hokava rehe.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Filemon 1:24

Hareka jyve Markos, Aristarko, Demas hãndi Lucas shymbory'iare mba'apope.

2 Pedro 2:15

Opa heja reta tape haikaviva, yngaty jyraha reta japo verã Balaam Beor tay japo vekua, haihuva kyrypoti hekopemba'õ japo'iape.