1 She aheja nde Tũpa hareka Cristo Jesús hỹnonde, oujy verã mburuvisha vasu rãĩmi jahehe verã hykoveteri'iare hareka manoma vekuare,
Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.
Hãma hei: Ĩmemba'ẽ pente kuimbai mbai vasuva mbyry ohova ynga tenta kyty, mbyheaa verã huvisha vasurã, hãrã oujypo.
Tẽvã mbyheaha huvisha vasurã. Vãhẽjyma ourã hẽnoka jokuehareirea kyrypoti meẽshu vekuare, kuaashi verãre pepenteĩ mbovyra mimoña reta mymba'apo vekuare.
Haivi heijy: Jesús, nymanduave shyrehekui, reijyma nde rẽĩvaperã.
hareka hei ñande opa rupi ñambeu verã Tũpa ĩñee, hareka ñambeu verã Tũpa hesha verã mbai kavi hareka mbai porãmbava kuaretare japova, hykoveteri'iare hareka manovare.
Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.
Opaitepo ikokui kova vãhẽma ara Tũpa mbivacheka verã Cristo Jesús rupii opaite kuaretare ñomire vekuarã, kova Ñee Kaviva ambeuva heiva rãĩmi.
Cristo teiva rãnga pyndyrykove. Hãrã hai oujymarã, pẽĩpojyve hãndikui pynytynyhẽva hĩmbipekueivi.
Hãma heshahapokui hokava heko porãmba'ia, Tẽvã Ñandeja Jesús jyvarepohekui putũhẽi juruivi mondoherã hareka opapo hĩmbipekuepy jyvarehe oujyvape.
Airurende Tũpa hỹnonde, Jesucristo hỹnonde hareka Tũpa jokueva pyhỹrõvare hỹnonde, hekope kavi rijapo verã kova mbaire, mbavamba rĩmbijicheva.
hareka ã'ẽ ijeshaka Jesucristo Ñanymondojepeva ourã rupii, mby'opa ñymano hareka nohẽ hĩmbipevape tykove opambava Ñee Kavi rupii.
Mymandu'akajyhe reta kova, hareka ereshu reta Tũpa hỹnonde ỹteñoma ñeereiire ijaka verãre, shara myporãã hokava henduvare pevarã.
Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.
Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.
ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.
Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.
Tẽvã haire ñymbeupo Tũpape, ñymyhẽvã'õ mbivache verã ĩmeĩteri'iare hareka mano vekua retape.
Hãrãpo avisha ñyngareko'iheare juhuvisha vasu oumarã me'ẽãpekui tankare ñonoãva ita vera ijuva opa ara pevarãva.
Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.
Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.
Ã'ẽ shyrayre ahaihuva, piñymypenteñoĩhe Cristo, jairojahe verã hai ijeshakamarã, ñanymarãmbashi verã hai oujymarã.
Shara Cristo oujypo ãvãpyntupy, opava retapo hesha, kuture vekua retaave hareka opaite yvy'ĩãrẽ'õre ñymoñashia heshamarã hapĩrõpo hareka opapo jaheo reta. Amén.