2 Timoteo 3:3 - NandevaBiblia

³ pyryraihuãpo, pyryparekoãpo, ijeta porããpohe yngavare, ijochaveãmapo reta, hetapo'ẽ jyvavarehea hapisha, ñymbyvaishopohe mbai haikavivare.

2 Timoteo 3:3 ပူးပေါင်းရင်းမြစ်များ

Mateo 10:21

Ĩmepo'ẽ tyvyre meẽva jukaha verã; terure meẽva tayre jukaha verã; tyrayre pũãpohe tuure juka verã.

Mateo 4:1

Haivi Espiritu Santo raha Jesús yvy ikoambaipi, haipe Ãña pyahããshu verã.

Lucas 10:16

Hãma pynyrẽnduva, she shyrẽndu jyve; hãrã pinimbijicheva, shimbijiche jyve; hareka shimbijicheva, mbijiche jyve shymbou vekua.

Lucas 16:14

Hãma fariseore, haireta hai kyrypoti haihuvare, opa hendu ñynoĩ kova hãrã ñymbyhoryhe reta Jesús.

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

Romano 1:31

Potãã pya mbijetarãni reta, katuã jyrojahahe, pyryraihuã, hareka pyryparekoã.

1 Corintios 7:5

Hãma avypo pere pijupe potamba pypoko ijeheva. Tẽvã mokue ryhevepo piñiñono pente ñeepe, pypokombajy ijehe verã, mbovy ara pimboi verã. Hãma haivi katu pikojy ijupi, mahẽ Satanás pypya hããkui pijyjokoarã hareka pindirityjykui mbai porãmbape.

1 Corintios 7:9

Tẽvã katuã ijijokorã timeĩ tyhekajy ñi'ĩrũrã, shara haikavive ñañimi'ĩrũjy, mahẽ ñanykyrẽ'ỹkue porãã ñandapokui.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

1 Timoteo 3:11

Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

Tito 1:8

Kyrãte verã, ñyngareko kavipohe ñumbuhupare, pyryraihupo, ñerãmbapepo iko, heko kavipo, ñymyngy'ãposhu Tũpa hareka ñyngarekopo ijehe.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

Santiago 2:6

Pee rãnga pijapo mbaimbava rãĩmi pavete'iare. Ha'eãra iko katuvare pynymymba'apokarei'iva hareka pyndyraha'ia huvishare hỹnonde?

2 Pedro 2:14

Haire hesha pente tauperã potaravi ñeno hãndi, mbai porãmbavaĩ pota japo reta, mykyrẽy veru verãre jyrojakuepe pyrãtambateriva; haire mbijehuñoĩvare heta maĩnunga potavare, hareka hokava hai kuareta jaheamahevare.

2 Pedro 2:19

Ĩñee meẽshu reta poima japo verãre pota japova, tẽvã hai retateiva poĩã japo porãmba. Hãrã hokava porãmbateiva opapo ohũndishu verã, shara katumba mbai porãmba poi japova hai mbai porãmbape jokuehareirea.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

Judas 1:18

Hai reta rãnga heipe: “Ara japyape vãhẽserimarã, ĩmepo'ẽ kuaretare ñymbyhoryva mbai haikavivare hareka porãmbavaĩpo pota japo”.

Apocalipsis 13:15

Mymba ñarõva mokuehea me'ẽãjyshu mbaikatu meẽshu verã tykove mymba ñarõva tynondeva ha'ãngakue, tarã'ãnga ijeta hareka opa juka tarã'ãnga omombaimbashuare.

Apocalipsis 13:17

Mba'etypo mba'ovava maĩrã mavendeva mba'etyre heshahe verãrã, jaishu mymba ñarõva hee maĩrã jypapa ryheva.

Apocalipsis 16:6

Shara ndyvaishore hetama juka nyrẽta ĩrũ heko kyambare, hareka Tũpa ĩñee mbeu'iare. Hãme rãnga ã'ẽ nde rỹmbyu reta turuvype, shara kyrãvaĩ heka reta”.

Apocalipsis 17:6

Haivi ahesha taupe savypo'ipy Tũpa ryhevare huvykue hareka jukaha vekuare Jesús hee myhỹrãkua jyrerã. Aheshama hokavarã mbyry ãmaĩ.