2 Timoteo 3:2 - NandevaBiblia

² Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

2 Timoteo 3:2 ပူးပေါင်းရင်းမြစ်များ

Mateo 15:6

Ĩme'ẽ kyrãĩ heivarã, katuveama mbory tuu hareka ishy. Kyrã pimbijiche Tũpa heiva pijapo verã pipykuava rãĩmi.

Lucas 12:15

Heijyshu reta: Pymãĩ hareka pirykyje, avy piko mbai pipotareivape! Shara tykove õĩãhe maĩnunga hetava kuaretare imerea.

Lucas 16:14

Hãma fariseore, haireta hai kyrypoti haihuvare, opa hendu ñynoĩ kova hãrã ñymbyhoryhe reta Jesús.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Hechos 5:36

Pynymanduarahe kyyãteri Teudas puãrã vekua, oñemombai vasu vekua hãrã mi'ĩrũ 400 kuimbai rupii tẽvã hai jukahamba haivi opaite iko'i hipiare opa ñymomohẽ hãrã opareii.

Romano 11:18

Tẽvã avypo rirojahe haikavive rẽĩshia Judiore opa mbijicheavare. Nymanduapohe ha'eã nde rijoko rĩñonova hapo, katynga ndoko niñonova hai hapo.

2 Corintios 5:15

Cristo rãnga opava retare mano, ĩmeteri'iare ikoveãma verã hai pevarãĩ, koñeĩ ikoma verã manohe vekua hareka kuerajy vekua pevarãĩ.

Filipenses 2:21

shara opaiteva yngavare heka haire pevarãĩ haikavishuva, ha'ẽã Jesucristo ryheva.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

1 Timoteo 1:20

Kyrã jehushu Himeneo hareka Alejandro, hokavare Satanape opa ameẽ kuaa verãre marãrapo ijeta kavĩĩhe Tũpa.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

1 Timoteo 6:10

Shara kyrypoti jyhaihu hai opa mbai porãmba vekua jypy, hãrã ĩme'ẽ kyrypoti potaiterã poi jyrojava, hareka heta veru ijupe jyhasa'asy hykovepe.

1 Timoteo 6:4

hokava hai kuareta jyroja ijeheva hareka mbaimba kuaava, mimbairasyshu potaite ijetareii'ẽrã hareka ñeereire pota ijakarã; hokavaivi rãnga ou, ijakava, ñyrãrõ, hapishatamba'ia, hehei ijupeva, porãã pya mbijetahe yngare,

2 Timoteo 3:4

Mbytavypo hapishare, pya mbijetamba ryheve mbai japo, jyroja ijehe, Tũpa heiva japotẽ verã, ha'eire potavaĩ japove reta.

Santiago 2:8

Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

Santiago 4:16

Katynga, pypya'ohe piroja pindijeheva ryheve pijetarã. Opaite kyrã jyroja'ijeheva porãã.

Santiago 4:6

Tẽvã Tũpa hetave ñanymbory pya kavikue ryheve. Hãme hei: Tũpa ñymytãtãshi jyroja ijehevare, tẽvã pyakavishu oñemomishĩvare.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

2 Pedro 2:10

Opa mbai ĩãrẽ, Tũpa nupapokui hoo potavaĩ ñee hendushuare hareka porãmbavaĩ japo'iare. Hokava rãnga mbaimba kuaaseva hareka ñynotimbare hareka kyjemba ijeta porãmbahea Tũpa jokuevare.

2 Pedro 2:12

Tẽvã kova kuaretare jahehe mbai kuaa kavimba vekuare; mymba rãĩmi jyre, oarã pysyha hareka jukaha reta, hãrã jyvareapohe porãmba japova rehe.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

Apocalipsis 13:1

Haivi aheshajy yyvasuivi õhẽ'ia pente mymba ñarõva 10 ijuureva hareka 7 ñaka, pepenteĩ ijuure ĩmere tankare ñonoava, hãme ñakare pepenteĩrejy mbyparahava pente tyree Tũpa jypejuheva.

Apocalipsis 16:11

Haipeĩmbatẽ maĩnunga porãmba poi japovare, jahepevẽĩ jyrehe Tũpa vate arapeva, mbai rasykue hareka kurukueivi.

Apocalipsis 16:21

Haivi vate araivi oa amanda marẽrẽyva kuaretare ĩãrẽ, pohykue ajete 20 kiloreva, hareka kuaretare Tũpa hee jahe jyrehe, shara haire pevarã hokava amanda haimba ñunupa pohyiteveva.

Apocalipsis 16:9

Opaiteva oke reta hakukuepy, tẽvã oujyvyã reta Tũpa jykoty hareka pyraheĩmbatẽshuare. Jahehe reta Tũpa, mbaikatu ĩmerea jepyhe verã mbairasy porãmba.