2 Timoteo 3:16 - NandevaBiblia

¹⁶ Opaite Mbyparahava hai Tũpa rupii me'ẽhava hareka haikavi poryha pyrỹmbo'eapy verã, ñyngãta, ñonoãkavijy verã hareka pyrỹmbo'ehapy marãrapo hekope kavi jaiko.

2 Timoteo 3:16 ပူးပေါင်းရင်းမြစ်များ

Mateo 13:52

Haivi Jesús heishu reta: Hãmeara, opaite Moisés mbypara vekua pyrỹmboi'ihea mbeu, huvisha vasu vate arapy'õ, ova oo ija nohẽva mbai hyruivi py'ahuvare tuja vekuaivi.

Mateo 21:42

Jesús heishu reta: Pikuããra Tũpa ĩñeepe heirã: Kova ita, oo japo'iare mombo vekua, hoka ĩãrẽ ã'ẽ mupũ'ãhã. Kova hai Ñandeja japova hãrã ore pevarã hai mbai haikaviva.

Mateo 22:43

Haipe Jesús heishu reta: Marã'ĩrãra David Espiritu Santo rupii heishu: “Sheja”? David rãnga heimba:

Mateo 26:54

Akuarã, mãrãrapo opa iko Tũpa ĩñeepe heiva, kyrã ñõĩte iko verã?

Mateo 26:56

Tẽvã opava kova iko'ẽ hekope, Tũpa ĩñee mbeu'iare hei vekua Tũpa ĩñeepe. Haivi mboireare opa hejashu Jesús hã'ẽĩ.

Marcos 12:24

Jesús heishu reta: Pijavy rãnga, shara pikuãã Tũpa ĩñee hareka ñymbaikatukue.

Marcos 12:36

David teiva rãnga hei Espiritu Santo rupii: Ñandeja heishu Sheja: “Vapy shakata kyty, añonopeve ndyreshatamba'iare ndepy'ipe”.

Juan 10:35

Jaikuaa kavi rãnga mbyparahava, katumba mbairã ñambijicheva; Tũpa rãnga mbyhee tũpare, opaite ĩñee pysy vekuare.

Juan 3:20

Opaite mbai porãmba japo'iare, mymorãã kõĩvãpe'õ, hareka ñymbojããhe reta kõĩvã shara potãã heshaha mbai porãmba japo'irã.

Hechos 1:16

Shyryvyre, ikoñoĩpo mbypara vekua Espiritu Santo heiheva rãĩmi Judas, David heiva rupii, haiteiva tynonde oho verã Jesús pysyka verã.

Hechos 18:25

Hai mbo'eha kavihe Ñandeja hape, kyrẽ'ype pyrỹmboi hareka mbeu kavi Jesús ryheva, ajemaĩ koñeĩ kuaa Juan ñymyngaraiva ryheva.

Hechos 20:20

Tẽvã apoiã ambeupe haikavipe verã, apyrỹmboi opavare hỹnonde hareka pynyrẽta retaipi.

Hechos 20:27

shara opama ambeupe Tũpa potava, mbaimba añomivape.

Hechos 28:25

Katuãma pente ñeepe ñynoĩ retarã, õñepyrõ opajy jyraha. Hãrã Pablo heishu reta: Haikavi rãnga ijetashu Espiritu Santo ñanytynondevare Tũpa ĩñee mbeu'ia Isaia rupii, hei:

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Romano 2:20

Shara ĩmeryre ndepope Moisés mbypara vekua japoha verã, rerema ndijehe nde haiva ñymboimbare mboirea hareka ãrandu ija hareka añeteva.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Romano 4:23

hãrã jyrojakue rupii rekohashu heko kaviva rãĩmi, hareka kova ha'ẽã Abraham reheĩ mbyparahava,

1 Corintios 12:7

Espiritu Santo rãnga ijykuaaka pepenteĩ mbai kuaakue me'ẽãshua rupii, haikavi verã jyve yngava retape.

Galatas 3:8

Kuatia mbyparaha vekuapy hei, haimba Judiore mbytepe'ẽpo jyve heko kaviva jyrojakue rupii. Hãma Tũpa, arykai, myvãhẽshu ko Ñee kavi Abrahampe: Opaite tenta vasure nde rupiipo mbai haikaviva hipitykui.

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Hebreos 11:1

Jairojahe Tũpa hai ẽẽma heky verã hãrõ'õva. Hai heshahava jyrojakue rupii mbai katumba teri heshahava.

Hebreos 3:7

Hãme rãnga, Espiritu Santo heiva rãĩmi: Hokava arape Tũpa ĩñee pyhendurã,

Hebreos 4:12

Tũpa ĩñee hai tykove hareka mbaikatu, kyse pukuva hãĩmbeveva hareka kype icheva ñandypyape hareka espiritupe, haipe ñonokaviva typya hareka typya potava, hareka hokava potakue haira haikavivare maĩrã porãmbare.