2 Timoteo 2:25 - NandevaBiblia

²⁵ kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

2 Timoteo 2:25 ပူးပေါင်းရင်းမြစ်များ

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Mateo 21:32

Juan Bautista rãnga ou pynymboihe tape hekope kavi'õ, tẽvã pyrojããshu kyrypoti mbatyse'iare Roma pevarã hareka taupe heko porãmba rojashu reta. Tẽvã pee pyheshatẽva pyhejãã pyndyreko porãmba vekua, pirojahe verã.

Marcos 1:15

Jesús hei: “Vãhẽma ara, Tũpa ẽvãpe'õ ryheva vãhẽserima, peijy Tũpa jykoty hareka pyroja Ñee Kaviva”.

Juan 5:34

Tẽvã aikoteveã kuaretare ijeta kavi shyrehe; hareka ãmbe'uipe, peojepe verã jyve.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 5:21

Kova hendurã ko'ẽĩ iche reta tũpaope pyrỹmboi verãre. Haipevãĩ pai juhuvishare hareka ẽẽ hãndiare, mbaty reta Judio juhuvishare ñymbatyhaseape opaite kuakuavare Israelpe'õre hãndi, haivi mondo veruka reta Apostolre pyrymbyperesohaseaivi.

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Hechos 8:22

Heja maĩnunga porãmba vekua, hareka jurureshu Ñandeja katura hejareii ndyhevi ko ndypya rimbijetarẽĩva rãĩmi,

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

1 Timoteo 2:4

shara hai pota opaite kuaretare ohojepe, hareka kuaa kavive añeteva ryheva.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

2 Timoteo 3:7

Hokava taupere opa kuaa raha jyve, tẽvã mapeã mondo kuaa kavi reta añeteva.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 3:2

Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

1 Pedro 3:15

koñeĩpo, pyndypyaivive pemombaishu Cristo Teja rãĩmi. Tantakatupẽĩ pembohovai verã pyrãnduhape pyharõpeĩva reherã.

1 Juan 5:16

Ĩme'ẽ hesha tyvy jyrojava jyve japo pente mbai porãmba ñymanope pyryrahambavarã, jururepo'ĩãrẽ hãrã Tũpa meẽposhu tykove hokava kuareta, ha'ẽã mbai porãmba ñymanope pyryrahavarã. Ĩme'ẽ pente mbai porãmba ñymanope pyryrahava, hareka she ha'ẽãpe pirure'ĩãrẽ verã kova mbai poramba japovare.