2 Timoteo 2:10 - NandevaBiblia

¹⁰ Hãrã Tũpa pyhỹrõvare reheĩ opa mbai ahasa'aĩ, haire hipity verã jyve ñymondojepe hareka hĩmbipeva ĩmejareva opa ara Jesucristo rehe.

2 Timoteo 2:10 ပူးပေါင်းရင်းမြစ်များ

Mateo 24:22

Hãrã Tũpa mykoĩpĩã kova ara, jyrojaheare reherã, mbavẽapo ohojepekui. Hai pyhyrõvare haihu rupii rãnga mykõĩpĩpokui.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 24:31

Ñyhendupo mimbyvasukue hỹnatu ipuva, haivi ãmondopokui ajokuevare mbaty verãre shyryhevare opaite yvy jerekue, ara japyivi opapeve.

Lucas 18:7

Hãmera Tũpa hepyãpojyve jyrojahea, jurureñoĩ'ishuare ara hareka pyharekue? Kỹỹrapo hãrõshu mbory verã?

Lucas 22:57

Tẽvã Pedro ñomirerã hei: Taupe, aikuãã rãnga jyveshu.

Juan 11:52

Ha'ẽã kova tenta ẽvãrei, ẽẽjyve opaite Tũpa jyrojaheare mbatyrã pente ñeepe ñono verã.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 17:9

She airurehe nde jyroja ndyreheva rỹmeẽshe vekuare. Airureãhe nde kuaretare jyrojamba ndyrehevare, nde rỹmeẽsheva reta reheĩ airure, shara hai na'ãpovare.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 9:23

Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 9:22

Pyrãtambavare mbytepe, aiko jyve pyrãtambava rãĩmi, aru verã reta jyve pyrãtambavare. Jaishu opaĩ añimbivache hãndi, a'ãmo ohojepe verã reta jyve.

2 Corintios 1:6

Ore hasaha'asy'ẽrã, hai pyvya verã hareka pehojepe verã; yrỹmbyvy'aharã, hai pyvya verã hareka pijepymahe, jyhasa'asy ore hasaha vekuarã.

2 Corintios 12:15

She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

2 Corintios 4:15

Opa kova mbai jehu ore pyndyraihuharã, hetavevape hipityrã, hetave ẽẽ verã meẽva jy ajetekue, Tũpa hĩmbipekue pevarã.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

Efesios 3:13

Hãme rãnga she airure pee, avy piñymykangy verã ko she ahasa'asy ãĩ pyndyreheva rehe, kova rãnga hai mbai tivishaveva pee pevarã jyve.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

1 Tesalonicenses 5:9

Shara Tũpa ñanyrẽnoã ity ñaneãrẽ verã ñunũpa vasu, koñeĩ jahajepe verãĩ Teja Jesucristo rupii.

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

2 Timoteo 1:1

She Pablo Jesucristo jy Apostol, Tũpa potavape hareka heiva ñee me'ẽãva tykove ryheva, ñahãrõñaĩva Jesucristo rupii.

2 Timoteo 2:1

Nde shyray, ñymypyrãta jyhaihu ojaimbava ĩmejareva Jesucristo rupii.

2 Timoteo 2:3

Nde, Jesucristo ñysyndaro kavindeva rãĩmi, rẽĩñoĩpo jyve ryhasa'asy verã.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

1 Pedro 2:10

Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.