2 Timoteo 1:7 - NandevaBiblia

⁷ Shara Tũpa me'ẽã ñande pente espiritu jakyjejai verã, koñeĩ mbaikatu, jyhaihu hareka ijijokokuaa.

2 Timoteo 1:7 ပူးပေါင်းရင်းမြစ်များ

Lucas 10:19

She ameẽ pee mbaikatu pypyrõhe verã mboi hareka vãkyrãpere, hareka pijepyhe verã pyndyresha tamba'iare ñymbaikatu, mbaimbaa japo pyndyrehevape.

Lucas 15:17

Hãma haipe pya mbijetahe japo vekuare: “Mbovy jokuearea retara sheru hentape'ẽẽ hembypashu hou verãre, sheny kope ãmanomapo ñymbahyivi!

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Lucas 8:35

Hãmã kuaretare opa jyraha mãihe iko vekua, vãhẽ jyraha Jesús ẽvã perã hesha reta kuimbai mbaiposhy õhẽshi vekua, vapy ẽ Jesús hỹnonde, ñimi mondema hareka hai kavi jyma ẽ; hãrã opa kyje reta.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 21:13

Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽã shypokuaha verãĩ, katynga'ãĩ jyve ãmano verã Jerusalenpe Ñandeja heepe.

Hechos 26:11

Hetajy anupãka reta pota poi Jesús jyrojahe retarã, opa kova mbai ajapohe reta Judiore ñymbatyseaipi. Shyposhyiteshu retarã ãmoña araha reta ynga tentapeve.

Hechos 26:25

Tẽvã Pablo hei: Ha'ẽã rãnga aikuakuamba'aiva, karai Festo, ko ambeuva rãnga hai añeteva hareka ĩmere mbaivara he'ise.

Hechos 6:8

Esteban, Tũpa mynyheshu mbaikatu hareka maĩkavihe, hai rupii japo opa mbai kavi heshaha verã hareka mbai heshaha verã opaite kuaretare mbytepe.

Hechos 9:22

Tẽvã Saulo ñymypyrãta jyvyĩ ijeta Espiritu Santo ñymbai katupy mbeu Jesús haiva Mesia, tẽvã Judiore Damascope'õre kuaakaviã reta.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

1 Corintios 2:4

Opa mbai aikuaava rãĩmiiã aha pynymbytepe, aporyã ñee javai'ova, shyrojapi verã. Koñeĩ ahejashu Espiritu Santo heshaka verã ñymbaikatukue,

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Colosenses 1:8

Hai mbeu jyve'ore hokava, hei'ore marãra Espiritu Santo ñono pyndypyape pyhaihu verã papishare.

Hebreos 2:15

Kyrã mondojepe opaite ñymano kyjeshiare hareka heta ara iko jokuehareirevape.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Juan 4:18

Jyhaihukue ẽvãpe mba'ety kyje verã, kyrãte verã jyhaihu opa kavi'õ mohẽ kyjekue. Kyje rãnga veru jepy'apy, hoka rehẽĩma kyjeteri'ia katũa pyryraihu.