2 Tesalonicenses 3:14 - NandevaBiblia

¹⁴ Ĩme'ẽ ñatẽy japova ore yrykuatiape'õrã, pyheshaheva pypyvẽẽshu mbavara hareka avy piko hãndi, ñymymarãka verã.

2 Tesalonicenses 3:14 ပူးပေါင်းရင်းမြစ်များ

Mateo 18:17

Hãma potã hendushu retarã, mbeu tũpaope, hãrã hẽnduseãjy tũpaoperã tẽvãra, pijaposhu haimba pyndyryhevava kyrypoti mbatyse'iare Roma pevarã rãĩmi.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

1 Corintios 4:14

Ambyparaãpe kova apyrỹmymarãka verã, Apyrỹmboi verãĩ rãnga, shara shyrayre ahaihuva rãĩmi apyryraihu.

1 Corintios 5:11

Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

1 Corintios 5:9

Kuatia ambyparavape rãnga hai pee, avy piko hãndi verã kuaretare kyrãrãĩ'iare.

2 Corintios 10:6

Õĩha myhenda verã opaite ñee hendumbare, pee hekope kavima ñee pyhendurã.

2 Corintios 2:9

Shara ha'ẽrã ambyparape kuatia, aikuaa verã opa mbaipera ñee pyhendu.

2 Corintios 7:15

Hãrã hai pyndyraihuiteve manduahe marãra pijaposhu hai heivarã, hareka marãra vy'ape hareka kyje ryheve pymyvãhẽshu.

Filipenses 2:12

Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare,

Colosenses 4:16

Kova kuatia mbyparahava mbijetahama'ẽ pymbyteperã, pyrahaka mbijetahashu verã jyve Laodiceape'õre tũpaope; hareka pimbijeta jyve hoka kuatia ajaposhu vekuare.

1 Tesalonicenses 4:8

Hãrã mbijicheva ko pyrỹmbo'eahea, mbava kuimba'epeã mbijiche, Tũpateiva rãnga, meẽpe vekua je Espiritu Santo.

2 Tesalonicenses 3:6

Shyryvyre, Ñandeja Jesucristo heepe jururehape pysyryshi verã opaite ñandyryvy ñateỹ mba'apovare hareka potamba ikova pynymbo'eaheva rãĩmi.

Tito 2:8

pyrỹmbo'eahea kapyryva rupii, mbavamba porãmba hei verã. Kyrãrãpo, ñymbyvaisho ndyreheva ñymymarãkakui, vãhẽãposhu porãmba hei ñandyrehe verãre.

Tito 3:10

Ĩme'ẽ potaĩ pirĩmbijao'iarã, ñimiñeeshu pente maĩrã mokuejy; hãrã potãã nyrẽndurã rỹmohẽpo tũpaovi.

Filemon 1:21

Ambypara nde heshara aroja katu ñee rỹhendurã, hareka aikuaa rijapove verã she airure ndeva.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.