2 Tesalonicenses 3:1 - NandevaBiblia

¹ Koñemahea, shyryvyre pirurejyve yryrehe, Ñandeja Jesús ĩñee narẽã tymyvãhẽha oparupi, hareka kuaretare tyroja hãrã tijapo, pee pijapova rãĩmi.

2 Tesalonicenses 3:1 ပူးပေါင်းရင်းမြစ်များ

Mateo 9:38

Hãrã pirureshu koo ija hareka tymboushu kuaretare mba'apo verãre”.

Lucas 10:2

Jesús heishu reta: Ãñete heta'ẽ timĩty javyjemava, tẽvã mbovyĩjyre mba'apo'iare. Hãrã pirureshu koo Ija, tymbou mba'apo verãre, mynõõ verã koo hupi'õ.

Hechos 12:24

Tẽvã Ñanderu Tũpa ĩñee mbe'uhave rahaha hareka ñymbyhetave oho.

Hechos 19:20

Kyrã Ñandeja ĩñee ñymbyhetave oho hareka heshaka ñymbaikatukue.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

1 Corintios 16:9

Shara õche jypea kavi'ẽshe amba'apo verã, ajemaĩ hetatẽ'ẽ shyreshatambare.

2 Corintios 1:11

pee ỹrymboryve pimboi yryrehevaperã, hareka heta'ẽ ñymboi'ẽ yryrehevarã, hetapo'ẽjy vyava Tũpa hãndi, pimboi yryreherã rehe.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Tesalonicenses 1:5

Shara mbe'uhape Ñee kavivarã, ha'ẽã ĩrĩñeepeĩ japohava, Espiritu Santo ñymbaikatupy hareka jyrojakue ryheve rãnga. Pee pikuaa kavi marãra ikoha pynymbyteipi, pyndyraihuhaiterã.

1 Tesalonicenses 1:8

Pyndyhevi õñepyrõ Ñandeja ĩñee mbe'uha rahaha, ha'eã Macedonia hareka Acayapeĩ, oparupi rãnga, hareka opa kuaaha jyrojakue ĩmepyreva Tũpare, hãrã katuveãma mbaiva he'ihajype.

1 Tesalonicenses 2:1

Shyryvyre, pee pikuaa kavi ohoareĩã pẽĩvaperã.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

1 Tesalonicenses 5:17

Opa ara pirure.

1 Tesalonicenses 5:25

Shyryvyre, pirureve yryrehe.

2 Timoteo 2:9

hãrã Ñee Kaviva reheĩ heta ahasa'asy hareka shymbyperesoha, pente purukava rãĩmi. Tẽvã Tũpa ĩñee katuã mbyperesoa hai.