2 Tesalonicenses 2:13 - NandevaBiblia

¹³ Tẽvã ñameẽñoĩposhu Tũpa ñandyvy'akue pyndyrehe jyve, shyryvyre Ñandeja haihuvare, shara Tũpa tynonde pynypyhỹrõ pehojepe verã, Espiritu rupii pinimbijiche Tũpa pevarã hareka añeteva pyroja rupii.

2 Tesalonicenses 2:13 ပူးပေါင်းရင်းမြစ်များ

Lucas 1:75

teko kavivape hareka hekope kavi hai pevarãĩ jaiko, jajapo mbaikavi opa ara ñandyrykovepe.

Juan 1:1

Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Hechos 13:48

Judiombare kova hẽndumãrã, vy'a jyre hareka hei reta Ñandeja ĩñee haikaviva; haivi opaite hipity verãre tykove opambava, roja reta.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

Romano 8:33

Ĩmera'ẽ mbava ijeta porãmbahe verã Tũpa pyhỹrõvare? Tũpa teiva rãnga mbyheko kavishu reta.

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Colosenses 1:5

hoka pyhãrõpẽĩva rupii natũhamape pa'ãpõrã vate arapy. Pee rãnga pikuaama pyhãrõpẽĩva, ñee añeteva rupii, hokava hai Ñee Kaviva.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

1 Tesalonicenses 1:4

Shyryvyre Tũpa haihuvare, kuaaha rãnga hai pynypyhỹrõrã.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

1 Tesalonicenses 5:9

Shara Tũpa ñanyrẽnoã ity ñaneãrẽ verã ñunũpa vasu, koñeĩ jahajepe verãĩ Teja Jesucristo rupii.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

2 Tesalonicenses 2:12

Kyrãpo jaheahekui opaite mbai añeteva rojambaare, tẽvã koñeĩ mbai porãmbape vy'a jyre.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Timoteo 2:15

Eñehãã katu Tũpa hỹnonde rypyta kavimavape, pente mba'apo'ia mba'etyre notire verã hareka ñee añeteva hekope kavi mbeuva.

2 Timoteo 3:15

Manduahe nyndei ryheve rikuaa Tũpa ĩñee, nymboi verã hareka ndyraha verã ñymondojepeva kyty Jesucristo rirojaherã.

Hebreos 1:10

Hãrã heijyveshu: Sheja, õñepyrõaivive ko yvy jypyrã rĩñono hareka ara vate'õvare hai ndepope rijapovare.

Santiago 1:18

Hai, kyrãmba pota meẽ ñande tykove ĩñee añeteva rupii, hai ñanymytynondeshi opaite hai japo vekua retaivi.

1 Juan 4:10

Jyhaihukue añeteva rãnga hai kova: Ha'ẽã ñande jahaihuva Tũpa, hai rãnga tynonde ñandyraihu hareka mbou arykai Tay yvy'ĩãrẽ jukaharã rupii hejahareii ñandyhevi verã mbai porãmba jajapo vekua.

1 Juan 4:19

Ñande rãnga jahaihu Tũpa, shara tynonde hai ñandyraihu.