2 Tesalonicenses 1:9 - NandevaBiblia

⁹ Haire jaheapohekui opa õñehundi verãpe. Mombohapo mbyry Ñandeja ẽvãivi, hĩmbipekue hareka ñymbaikatukueivi,

2 Tesalonicenses 1:9 ပူးပေါင်းရင်းမြစ်များ

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 22:13

Haivi mburuvisha vasu heishu jokuereare: “Pijokuashi ipy hareka ipo, pymombo katuape pyntuvape, haipe tijaheo hãĩre tyrorokua ijehe”.

Mateo 24:30

Haipe, heshahapo vate arare heshakava kuareta Tay, oumarã. Haivi kyjerã, opa yvy'ĩãrẽ tenta ijare jaheopo shyresha aima ãvãpỹtupyrã, mbaikatu hareka hĩmbipe ryheve.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Mateo 25:46

Harã kovare ohopokui ñunũpa opamba verãpe, tẽvã heko kavivare ohopokui tykove opamba verãpe.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Mateo 7:23

Tẽvã she haiposhu reta: “Mapeã rãnga apyrykuaa. Pysyry shyhevi, pee mbai porãmba japo'iare!”

Lucas 13:27

Tẽvã hai heipo pee: “Haima rãnga pee, she aikuamba maĩvi peivara pee. Pysyry shyhevi pee porãmba japo'iare!”

Juan 5:14

Haivi Jesús heshajy kuimbai tũpaoperã heishu: Ã'ẽ rykuerama. Mãĩkavi, ãteñoma japokui mbai porãmbava, mãhẽ jehundekui mbai porãmba'eiteveva.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

1 Tesalonicenses 5:3

Kuaretare heima jyrerã: “Haikavi rãnga ñaĩ hareka mba'ety ñanymbyvyamba'õ”, haivi sapy'aĩpo vãhẽ ĩãrẽ reta ñehũndivasu, taupe purua'ia vãhẽshua rãĩmi mbai hasykue, hãrã mba'etypokui ñemishi verã.

2 Tesalonicenses 2:8

Hãma heshahapokui hokava heko porãmba'ia, Tẽvã Ñandeja Jesús jyvarepohekui putũhẽi juruivi mondoherã hareka opapo hĩmbipekuepy jyvarehe oujyvape.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 10:29

Hãme mbovykuerapo jahehahe Tũpa Tay pyrõheva hareka heivare Cristo huvy mbaimbava, mymorãmbava Espiritu Tũpa ryheva haihushuva.

2 Pedro 2:17

Kova pyrỹmboi'ia reta rãnga ova yy henda opa tini vekua hareka ãvãpyntu yvytu rahava rãĩmi! Tũpa ĩmemare ẽẽ verã retape timimbi vasuvape.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

Judas 1:13

Hãma ova reta yy ñarõva, mbytyryjuva maĩnunga japova pyrỹmymarãkava, jasytata hape javyva rãĩmi mondohapo timimbiva opamba'õpe.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 20:14

Haivi mano hareka manovare ẽvape'õre momboha tata vasupe. Kova hai ñymano mokuehea.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.