2 Tesalonicenses 1:4 - NandevaBiblia

⁴ Hãrã ore jyve jyrojaha pyndyrehe opaite yngava tũpao Tũpa ryhevape, ñyhãrõkua ryheve hareka pirojakue pyheshaka opaite pyhasa pynymoñahava mbyteipi hareka jyhasa'asyipi.

2 Tesalonicenses 1:4 ပူးပေါင်းရင်းမြစ်များ

Romano 12:12

Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 8:25

Tẽvã ñaharõñaĩ jaheshambavarã, ñyhãrõkuape ñahãrõ.

1 Corintios 7:17

Kyrãtẽ verã pepenteĩ Ñandeja memeẽshuare rãĩmi, hareka Tũpa hẽnova rãĩmi, kyrã tijapo; kyrã japo opaite tũpao retaipi.

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

2 Corintios 7:14

Ãmarãã Tito haishu airoja pyndyreheva. Kyrãtẽ verã, opaite ore he'ihape vekua hai añeteva, hareka kyrãi jyve Tito he'iashu vekua pyndyrehe ha'ĩjy añeteva, yrỹmbyhorypi.

2 Corintios 7:4

Kyjembape aijeta'ãĩ penendie hareka airoja'ãĩ pyndyrehe. Opa mba'e ahasa'asy vekua mbytepe, shykyrẽ'ỹ hareka avy'a.

2 Corintios 9:2

Shara aikuaa õĩmavare hareka kyrẽỹ retarã. Hãrã vy'apeñoĩ ambeushu ko Macedoniape'õre, pee Acayape pẽĩvã ãño hasa vekuapevãĩ opa pẽĩ kavi, hãrã kyrẽ'ỹkue hetavape mykyrẽỹ jyve.

2 Corintios 9:4

Mahẽ Macedoniavare ohoa hãndirã pyndyreshakui pẽĩkavimbape. Hokava yrỹmymarãkapokui, shara jyrojahaite'i pyndyrehe; jaijetambaheva marãkue pee pyreko verã.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 2:14

Shyryvyre, tũpao Judeape'õre japovare rãĩmikatĩĩ, pijapo jyve. Hai reta rãnga õmombaimba jyve Tũpa hareka ñymypenteĩmba hãndi reta Cristo Jesús, shara henta ĩrũ retaimba mbyhasa'asy jyre. Kyrã jehu jyvepe.

1 Tesalonicenses 2:19

Shara, mbaivara katu hãrõhã'ẽ, ỹrỹmbyvyava, hareka jyrojahahe verã Ñandeja Jesús oujymarãme? Ambe'uãperã, mba'etypojy yngava.

2 Tesalonicenses 3:5

Ñandeja Jesús tikuaaka kavivepe pyhaihu verã yngare, Tũpa ñandyraihuva rãĩmi hareka tymeẽpe jyhaihu jyhasa'asy opa pijepykavihe verã.

Hebreos 10:36

Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

Santiago 5:11

Ĩmejare vy'avare hasa'asyvape, pyhendu jyveshi Job hãrõ kaviva hareka pyhesha koñyma Ñandeja meẽshua, hareka kova heshaka Ñandeja hai pyryparekovarã.

2 Pedro 1:6

hareka arãndukuepy, katu ijijokova ryheve, ijijokova ñyharõkuaa ryheve, hareka ñyharõkuapy tykove mbijicheava Tũpa pevarã;

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.