2 Pedro 3:7 - NandevaBiblia

⁷ Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

2 Pedro 3:7 ပူးပေါင်းရင်းမြစ်များ

Mateo 10:15

Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Mateo 11:22

Hãrã hai pee, ñimbivache arape, punũpahã pohyvepokui tenta Tiro, hareka Sidonpe vekuaivi.

Mateo 11:24

Hãrã hai pee, ara ñimbivache vãhẽmarã, pee punũpahã pohyvepokui tenta Sodomape vekuaivi.

Mateo 12:36

She hai pee, ñimbivache arape opavare mbeupokui Tũpape mãrã'irãra hei reta ñee porãmba vekua.

Mateo 24:35

Ara hareka yvy opapokui, tẽvã shiñee opããpokui.

Mateo 25:41

Haivi mburuvishavasu heipo jasu kyty'õ retape: “Pysyry shyhevi, pee pimepẽĩva Tũpa ñunũpa'ipe; pekuape tata opamba'õpe myhẽvãha Ãña hareka jokuereare pevarã.

Marcos 6:11

Hãma ĩme'ẽ potamba pymyvahẽva hentape, hareka pynyrẽndusembavarã, pẽhẽ haivi hareka pityshi yvy timbokue pypasa, hokava hai ñymarãndu haire pevarã. Ãñeteĩte hai pee, ñimbivache jy'arape, vevyveposhikui ñunupa Sodoma hareka Gomorraivi, hokava tenta pevarãĩvi.

Juan 12:48

Hãrã ĩme'ẽ shiñee mbijicheva hareka japombavarã, ĩmemare jahehe verã. Ñee she hai vekuapo jahehekui ara japyape vãhẽmarã.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

Filipenses 1:28

Hareka avy pykyjeshi ñymbyvaisho'i pyndyrehevare, hai reta rãnga ijyhesha kavihe opa verã kyty jyraha jyrerã, tẽvã pee pevarã hai heshakava ñymondojepeva ryheva, hokava ou Tũpaivi.

2 Tesalonicenses 2:3

Avy pyma'ẽĩhe mbava pynymbytavy, shara tynondepo vãhẽkui ara Tũpa ñymbyvaisho ouheare hareka ijeshakapojykui kuareta heko porãmba, jyvare pyryrehe verã.

1 Timoteo 6:9

Tẽvã pota ikokatuvare oa pyahã'ãvãpe mbai mbo'ahava rãĩmi, hãrã oa mbai potaraiviape hareka pyrỹmbaivape, kova mbai porãmba vekua, opa raha kuaretare ñymbai verã kyty hareka õñehundi verãpe.

Hebreos 12:29

Shara ñanu Tũpa ova pente tata opaĩ hapyva.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

2 Pedro 3:12

Pyhãrõ hareka pyndypyavive pipota tyvãhẽ Tũpa jy'ara. Hokava arape, ara vate'õ õñehundipo tatape hareka opa mbai vate arare'õre opapo shyryry tatape.

1 Juan 4:17

Kyrãrãpo jyhaihu jykuaakavi ñandyrehekui, jakyjeveama verã pirĩmbivacheava jy'arape, shara Jesucristo iko vekua rãĩmi jaiko ko yvy'ĩãrẽ.

Judas 1:7

Kyrãĩ iko jyvehe Sodoma hareka Gomorrape'iare, opaite tenta hyvache'iare. Haipe ikojyreare mbai porãmba japo hareka opa mbai japo kyava ryheva japombaatẽ verã. Hãrã Ñandeja jahehe reta hareka mombo tata ovemba'õpe, haipe hasa'asy verãre. Kyrã kova mbai hejaha opaite ñanymanduahe verã.

Apocalipsis 17:11

Mymba ñarõva arykai iko vekua hareka ã'ẽ ikoveãma, hokava hai mburuvisha 8 hea, haitẽva pente 7 hea ryheva, hareka oho opa mambaia verãpe.

Apocalipsis 17:8

Kova mymba ñarõva ryheshava rãnga arykai iko vekua, tẽvã ikoveãma, katynga õhẽpokui yvykua vasuivi, opa mambaia verãĩ. Hãrã opaite yvy ĩãrẽ'iare heere kuatia tykove ryhevape mbyparahamba ko yvy ndeiteri õñepyrõrã, mbyrypo maĩ retakui heshama arykaiva mymba ñarõva hykove'ia, mano vekua hareka õhẽjya.

Apocalipsis 20:11

Haivi ahesha vapyhasepya marẽỹva tĩĩva, hareka vapy'ẽpya, hai hỹnonde opa kañy yvy hareka arare, mba'ety heshajya.

Apocalipsis 21:1

Hãme ahesha pente ara vate'õ py'ahuva hareka yvy py'ahuva, shara ara vate'õ hareka yvy tynonde ẽvãre mba'etyma, kyrãĩjy yyvasure.