2 Pedro 3:17 - NandevaBiblia

¹⁷ Hãme rãnga shyryvyre ahaihuva, opama pikuaa kova mbaire, pingareko pindijehe avy heko porãmbare pynymbytavykui hareka pirojakuepe haikavipeĩva pypoi pirojahekui Tũpa.

2 Pedro 3:17 ပူးပေါင်းရင်းမြစ်များ

Mateo 16:11

Mãrãira pikuakavi raniã aijetamba ãiheva pãhãre? She rãnga hai pee kuri, pingareko verã fariseo hareka saduceore jylevaduraivi.

Mateo 16:6

Jesús heishu reta: Pingareko katu fariseo hareka saduceore pyrỹmbytavyĩ'iare jylevaduraivi.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Juan 16:4

She hai pee kova mbai, ikomarã pynymanduahe verã ambeumapeva kova. Tẽvã jypyiterã ambe'ũãpe kova mbai, shara ãĩmeteri'ãĩ pynymbytepe.

Hechos 2:42

Hãrã haire iko Apostolre mboishua rãĩmi mbijao ijupe reta ĩmereare, ñymbaty retarã hareka iko reta pente ñeepe, jurure hareka hou reta jykaru Tũpa ñymanduaheva ryheva.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

1 Corintios 10:12

Hãma rojava hai pyrãta kavima'õva, tirykyje katu mahẽ oajykui.

1 Corintios 15:58

Hãma shyryvy ahaihuvare, piñymypyrãta katu pemyimbape, hareka pyrẽĩ pymba'aposhu Ñandeja; shara pikuaa Ñandeja pẽĩ hãndiape pijapova, ha'ẽã pijaporeiiva.

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

Galatas 5:4

Ĩme'ẽ peeva pota ijoheva Tũpa hỹnonde japo'i Moisés mbypara vekuarã, hoka kuareta syrymashi Jesucristo hareka mbijiche Tũpa jyhaihukue.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

Filipenses 3:2

Pingareko katu pijeheshi tykove ñaumba rãĩmi'ivare, porãmba mba'apovare, hareka pyndyrete pota chĩchĩvare.

Colosenses 2:5

She teiva ãĩmembate'aĩ penendieva, shẽã rupii ãĩme penendie, hareka avy'a aikuaa hekope kavi pimepẽĩrã hareka Cristo pirojahevape pynypyrãtapẽĩrã.

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

2 Timoteo 4:15

Ñyngareko katushi hai, shara ñymbyvaisho jyrehe ñapyrỹmboihe vekua.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

1 Pedro 5:9

Tantapẽĩ pirojakuepy, shara pikuaa opaite yvy jerekuepy pee rãĩmi jyrojavare hasa'asy ñynoĩ jyve reta.

2 Pedro 2:7

Tẽvã mondojepembashu Lot, shara hai kuareta heko kaviva hareka mbasytẽhe marãra tykove ijokombashivare porãmbape.

2 Pedro 3:1

Shyryvyre ahaihuva, kova hai kuatia mokuehea ambyparapeva. Hãrã kova mokuehea rupii pota apyrỹmykyrẽỹ hareka airurepe, hekope kavi pypya pimbijeta verã.

Apocalipsis 2:5

Hãma nymanduapohe mapera reajy, eijy jykoty Tũpa, tynondeite rikova rãĩmipo rikojy. Rijapoã kyrãrã ahekypo ndyhevikui nytataĩndy hyru hendaivi, reijyvyã Tũpa jykotyrã.