2 Pedro 2:9 - NandevaBiblia

⁹ Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

2 Pedro 2:9 ပူးပေါင်းရင်းမြစ်များ

Mateo 10:15

Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

1 Corintios 10:13

Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

2 Timoteo 3:12

Kyrãpo moñahare jyvekui opaite pota raha ijeheva tykove pyryparekova Cristo Jesús rehe.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

2 Pedro 2:4

Shara Tũpa hejareiãmba arykai hai jokuevare porãmba japorã, koñeĩ mombombashu reta tata vasupe. Haipe hejashu reta pyntuvape ñapintĩhavape hareka natuha verãre ara Tũpa jahe pyryrehe verãpe.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.