2 Pedro 2:3 - NandevaBiblia

³ Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

2 Pedro 2:3 ပူးပေါင်းရင်းမြစ်များ

Mateo 23:14

Hãrã pypavetepokui pyrỹmboi'ia hareka fariseore hapishatamba'iare! Pyheky piva ĩme manoshiare hoo haivi pymbyhasa verã puku rã ãngaĩ pirure. Hãrã pee pipity pokui ñunũpa pohyveva.

Lucas 18:8

She hai pee; areãpo ou mbivachekashu reta. Tẽvã ko kuareta Tay vãhẽma ara oujy verãperã, heshara teripokui ko yvy'ĩãrẽ kuareta jyrojava?

Lucas 20:20

Hãrã mondoshu reta kuimbai ñemiapeĩ mãĩ verã heko kavi rã'ãngava, sapy'aĩ ityshu verãre ĩñee rehe, haivi meẽ verã huvishavasu mbory'õre.

Lucas 22:47

Jesús ijetateri'ẽ vekua, vãhẽ ou kuareta hetava. Haipe penteva 12 Jesús mboireare Judas he'iashua hỹnonde oushu reta; ñymboja Jesús ẽvãperã hovape pyteshu.

Juan 2:16

Pykasu õvende'õ retape hei: “Kovare pynohẽ koivi! Avy pijaposhi Sheru hoo mba'ovaha'ẽ ipea!”

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

1 Tesalonicenses 2:5

Pee pikuaa, penteã mbai mypoporãhãrei mbe'uha, hareka pymbytavyhãã pota kyrypoti hekyha'i pyhevirã. Tũpa rãnga opa kuaa hokava.

1 Tesalonicenses 5:3

Kuaretare heima jyrerã: “Haikavi rãnga ñaĩ hareka mba'ety ñanymbyvyamba'õ”, haivi sapy'aĩpo vãhẽ ĩãrẽ reta ñehũndivasu, taupe purua'ia vãhẽshua rãĩmi mbai hasykue, hãrã mba'etypokui ñemishi verã.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

1 Timoteo 3:8

Kyrãĩpo jyve tũpaope pyrỹmbory'iare diácono he'iashuvare, heko kavipo, ĩñee pyrõmbahea, hareka ka'ũãpo, potããpo kyrypoti hekope kavimba'õ.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

1 Pedro 2:8

Harekajy: Pente ita mãrẽyva, haire vapihe verã. Hai reta rãnga vapi ñee henduãrã; ñonoha verãre pevarã.

1 Pedro 5:2

Pingarekohe Tũpa jy'avishare, pepope ñonohavare. Pijapo kavi kova Tũpa potava rãĩmi, pinimiñerãhamba'iape hareka kyrypoti pipotambape.

2 Pedro 1:16

Shara pynymbo'ehãhe Ñandeja Jesucristo oujy verã opaite ñymbai katukue ryhevarã, ha'eã ñeereiva rupii yrỹmbaikuaa rupii nohẽãva, koñeĩ oreteiva yryresa rupii heshaha Jesucristo ñymbaikatu.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.

Judas 1:11

Tengapo retakui! Shara Caín rãĩmi jyre, hareka Balaam rãĩmi kyrypoti pota retarã mbyry javy, hareka ñee henduã retarã Core rãĩmipo opa mano.

Judas 1:15

ou jahehe verã opaiteva hareka jyvarehe verã mbai porãmba japo'iare, hareka opaite Ñandeja ijeta porãmba'iheare”.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Judas 1:7

Kyrãĩ iko jyvehe Sodoma hareka Gomorrape'iare, opaite tenta hyvache'iare. Haipe ikojyreare mbai porãmba japo hareka opa mbai japo kyava ryheva japombaatẽ verã. Hãrã Ñandeja jahehe reta hareka mombo tata ovemba'õpe, haipe hasa'asy verãre. Kyrã kova mbai hejaha opaite ñanymanduahe verã.