2 Pedro 2:21 - NandevaBiblia

²¹ Haikavivete verã haire kuãã tape symyĩva hareka mahẽ kuama retarã syryshi ñee japoa verã kyambava me'ẽãshu vekuare.

2 Pedro 2:21 ပူးပေါင်းရင်းမြစ်များ

Mateo 21:32

Juan Bautista rãnga ou pynymboihe tape hekope kavi'õ, tẽvã pyrojããshu kyrypoti mbatyse'iare Roma pevarã hareka taupe heko porãmba rojashu reta. Tẽvã pee pyheshatẽva pyhejãã pyndyreko porãmba vekua, pirojahe verã.

Lucas 12:47

Hãma ko jokuehareirea kuaa kavi mbaivara oo ija pota, tẽvã õĩkaviã hareka japoãshu ĩñe'ẽrã, hetapo nupãhã.

Juan 15:22

Hãma aĩã aijetashu retarã, haire mba'etytẽre verãre mbai porãmbava. Tẽvã ã'ẽ katuveama heky ijuhuvi reta mbai porãmba vekua.

Juan 9:41

Jesús mbyhovai: Pee hai jyve heshamba kũvãĩpiarã, mba'etytẽpyre verã mbai porãmba vekua. Tẽvã pere pyheshapiarã, oapo pẽãrẽ mbai porãmba pijapo vekua.

Romano 7:12

Katu jai ñee mbyparahava japoa verã ijuhuvii ky'ã, hareka ñeẽ japoha verã ky'ã, heko kavi hareka haikavi.

Galatas 6:2

Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

1 Tesalonicenses 4:2

Pee rãnga pikuama pijapo verã, me'ẽãpe vekua Ñandeja Jesús ñymbaikatu rupii.

1 Timoteo 6:14

rijapo verã opa mbai she hai ndeva. Iko tykove kyambape, kuaretare heshamba ndyrehe verã maĩnunga porãmba vekua, Ñandeja Jesucristo hykuaĩ oujyapeve,

Hebreos 10:26

Poiã jajapo mbai porãmba ñandeĩ jaipotarã añeteva jaikuamatẽvã, mba'etymajy yngava ñameẽ verã mbai porãmba vekuare heky verã.

Santiago 4:17

Ĩme'ẽ mbai haikaviva katutẽ japova, japoarã, mbai porãmbama japo'ẽ.

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,