2 Pedro 2:10 - NandevaBiblia

¹⁰ Opa mbai ĩãrẽ, Tũpa nupapokui hoo potavaĩ ñee hendushuare hareka porãmbavaĩ japo'iare. Hokava rãnga mbaimba kuaaseva hareka ñynotimbare hareka kyjemba ijeta porãmbahea Tũpa jokuevare.

2 Pedro 2:10 ပူးပေါင်းရင်းမြစ်များ

Lucas 11:25

Hãrã oujymarã hesha oo typeihava hareka opa ñonoa kavijyva rãĩmi.

Lucas 19:14

Tẽvã henta ĩrũre heshatãã, hãrã mondo reta hai haykue heihe verãre: “Potahãã kova ururuvisharã”.

Hechos 23:5

Pablo hei: Shyryvyre, aikuãã rãngambaje hai pai ruvisharã, shara mbyparahavape hei: Avy poshyshu nyrentape miñaka'õ.

Romano 8:1

Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

1 Corintios 6:9

Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,

2 Corintios 10:3

Ãñete rãnga ore ikoha jyve ko yvy'ĩãrẽ, tẽvã ñyrãrõhãã ko yvy'ĩãrẽ'õre rãĩmi.

Efesios 4:19

Hama ñynotiveama ñymeẽ tykove porãmbape, japo verã opa maĩnunga kyaava pota japoivĩ.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

1 Tesalonicenses 4:7

Shara Tũpa ñanyrẽnoã ñandyrykove ñamyngya jai verã, ñandyreko kavi verãĩ rãnga.

2 Timoteo 3:2

Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

Judas 1:10

Tẽvã kova kuaretare kuaakavimba retaave ijeta porãhe. Haire mymba rãĩmi jyre, opa mbai kuaa tẽvã kuaakaviã retarã ha'eire jyvare ijehe.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

Judas 1:18

Hai reta rãnga heipe: “Ara japyape vãhẽserimarã, ĩmepo'ẽ kuaretare ñymbyhoryva mbai haikavivare hareka porãmbavaĩpo pota japo”.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.