2 Pedro 1:7 - NandevaBiblia

⁷ tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

2 Pedro 1:7 ပူးပေါင်းရင်းမြစ်များ

Romano 12:10

Pimoña hãndia rãĩmipo yngavape ryhaihu jyve, hareka pijapo kavi ijehe.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

Colosenses 3:14

Tynonde, piñimimonde jyhaihukuepe, mbai pyrỹmypente kavivape.

1 Tesalonicenses 3:12

Hareka Tejapo japo pyrehe pijaihuve peho verã hareka opaitevape pyhaihu verã, ore pyndyraihuhava rãĩmi.

1 Tesalonicenses 5:15

Pingareko kavi avy mbava tymbyhekoviashu yngava porãmbape. Kyrãtẽ verã; piñyhãpo haikavivaĩ pijapo ijehe hareka opava retare.

Hebreos 13:1

Avy pypoi pijyhaihu shyryvyre.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:17

Ñee pyhendu opava retape, pyhaihu pyndyryvyre Tũpa hoope'õ, pimoãshi Tũpa. Pijapo mburuvisha vasu heiva.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

1 Juan 3:14

Ñande rãnga jaikuaa jahasama ñymanoivi tykove kyty, jaikuaa shara jahaihu ñandyryvy retarã. Tyvy haihumbava ĩmeĩteri'ẽ ñymanope.

1 Juan 3:16

Ñande jaikuakavi Jesucristo jyhaihukue, shara hai meẽ ñandyrehe hykove. Hãme ñandyryvy retare ñameẽpo jyve ñandyrykove.

1 Juan 4:21

Jesucristo heja ñande ko ñeẽ japoa verã: “Tũpa haihuva, tyhaihu jyve tyvy”.