2 Pedro 1:6 - NandevaBiblia

⁶ hareka arãndukuepy, katu ijijokova ryheve, ijijokova ñyharõkuaa ryheve, hareka ñyharõkuapy tykove mbijicheava Tũpa pevarã;

2 Pedro 1:6 ပူးပေါင်းရင်းမြစ်များ

Lucas 21:19

Tãtãkatu peĩrã, peojepepokui.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Hechos 24:25

Tẽvã Pablo ijeta'ẽhẽ hekope kavi jaikova ryhevarã, jajijokoshi mbai porãmbava hareka iko ñandyrehe verãrã, Felix myngyje hãrã heishu: Ekuajyvy, ha'ereipo aryrẽnokajykui.

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

Romano 8:25

Tẽvã ñaharõñaĩ jaheshambavarã, ñyhãrõkuape ñahãrõ.

1 Corintios 9:25

Opaite õñehãã verã, ijijokoshi porãmba japohe verã. Kova japo reta hipity verã korona me'ẽãva aremba ñymbaiva, tẽvã ñande ñañyhãã jahajaihe korona ñymbaimba verã.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

Galatas 5:23

jyrojãã ijehe, ijyjokokuaa. Kova mbaire mba'ety ñee mbyparahava ñymbyvaishohe verã.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

2 Tesalonicenses 1:4

Hãrã ore jyve jyrojaha pyndyrehe opaite yngava tũpao Tũpa ryhevape, ñyhãrõkua ryheve hareka pirojakue pyheshaka opaite pyhasa pynymoñahava mbyteipi hareka jyhasa'asyipi.

2 Tesalonicenses 3:5

Ñandeja Jesús tikuaaka kavivepe pyhaihu verã yngare, Tũpa ñandyraihuva rãĩmi hareka tymeẽpe jyhaihu jyhasa'asy opa pijepykavihe verã.

1 Timoteo 2:10

Tijeva jyve mbai kavi japovapy, hãrõashiva rãĩmi kuei taupere Tũpa jokuerevare.

1 Timoteo 2:2

tirurehahe opaite huvisharã'õre hareka opaite mbai miñaka'õre, jaiko verã pya vapype hareka ñyrãrõmbape, tykove mbijicheavape Tũpa pevarã hareka ñee ñahendushu Tũpa.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

1 Timoteo 6:3

Ĩme'ẽ yngai'ova pyrỹmboi'ihea, ohombahea Ñandeja Jesucristo pyrỹmboihe vekuarã, hareka tykove mbijicheava Tũpa pevarã jahahea ñanymboihea rãĩmi,

1 Timoteo 6:6

Ãñete rãnga tykove mbijicheava Tũpa pevarã heta veru ñande maĩnunga haikaviva, tẽvã koñeĩ ĩmerea ryheve vyava pevarãĩ.

2 Timoteo 3:5

Ñymbyhekopo tykove mbijicheava Tũpa pevarã rãĩmi, tẽvã ñomipo jyre Tũpa ñymbaikatukue. Avy jihia'i kuareta kyrã'iare.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 1:8

Kyrãte verã, ñyngareko kavipohe ñumbuhupare, pyryraihupo, ñerãmbapepo iko, heko kavipo, ñymyngy'ãposhu Tũpa hareka ñyngarekopo ijehe.

Tito 2:2

Kuakuavare mbai hekopeñoĩpo japo reta, japo kavipohe yngavare hareka ñakavapy verã, tanta jyrojava, jyhaihukuepy hareka jepyhe verã jyhasa'asy.

Hebreos 10:36

Pee pikotẽvẽ pyreko ñyhãrõkuaa kova jyhasa'asype, Tũpa potava pijapo verã hareka pipity verã ĩñee meẽva Hai hei vekua.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Hebreos 6:12

Avy piñymateỹ, kyrãtẽ verã peñehããpo piko jyrojavare hareka hãrõ kuaavare rãĩmi, shara haire hipitypo Tũpa ĩñee meẽ vekua.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

2 Pedro 1:3

Tũpa ñymbaikatu rupii meẽ ñande opava maĩnunga mba'etyjareva ĩmejare verã tykove hareka jaiko hai potava rãĩmi. Hai ñanymbykuaaka Cristo, ñanyrẽno hai ojaimba rupii hareka mbai haikaviva japovare rupii.

2 Pedro 3:11

Kyrãpo opa mba'e õñehundirã, marã'ĩrãra pikoãte tykove kyambape hareka Tũpa potava rãĩmi?

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 13:10

Ĩme'ẽ mbyperesoa verãrã, rahapo mbyperesoha, hareka kyse pukuvape jukaha verã, kyse pukuvapepo jukaha. Hokava he'ise Tũpa ryhevare ñyhãrõkuapepo hasa reta mbai hasyva hareka tantapo'ẽ jyrojakuepe.

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.