2 Pedro 1:19 - NandevaBiblia

¹⁹ Kyrã rekoha hokava ñee Tũpa ĩñee mbeu'iare mbeu vekua, pyrãtakavi'õ hareka haikavipo pijasaka kaviherã. Kova hai mbai sapekava rãĩmi pyntuape sapeva, kõĩma ourãpeve hareka jasytata koĩ kyty jykuava õhẽpeve sape verã pyndypyape.

2 Pedro 1:19 ပူးပေါင်းရင်းမြစ်များ

Mateo 4:16

Kuaretare ikova pỹntuape, hesha tivisha sapeva; hendyva sapeshu manova rãĩmi ikovare”.

Juan 5:35

Juan rãnga hai mbai myhendyava hareka sapeva, potatẽ sapy'aite pyvyapipy hai mykõĩvãpe.

Juan 5:39

Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Hechos 15:29

Avy peu mymba hoo me'ẽãva tarã'ãnga retape, tuvy, mymba javokahava hareka avy pypyrẽno ndeiteri pemendaheape. Haikavipo pijapokui kova pijijokoshirã. Kova haipeveima.

Hechos 17:11

Kovare pya kavitevembashi Tesalonicape'iare, vy'ape mỹvãhẽ reta ñee, opa ara ñymbo'eka kavihe reta Mbyparaha vekua, kuaa verãre ãñetera mbe'uha'ẽshuare.

Hebreos 2:2

Shara Tũpa jokuevare hei vekua añete hareka opaite mbai porãmba japo vekuare hareka ñee henduã retarã hekope kavi nupãha,

Santiago 2:8

Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

1 Pedro 1:10

Tũpa ĩñee mbeu'iare heta pyrãndu hareka mbijeta reta ñymondojepeva ryheva. Hãrã hei reta, Tũpa jy'ajetekue rupii meẽpe verã.

1 Juan 5:10

Hãma Tũpa Tay rojava reko pyape kova mbe'uava. Ĩme'ẽ Tũpa rojambavarã, mbijapuma Tũpa, shara rojaã ñee Tũpa mbeuva Tay ryheva.

3 Juan 1:6

Opaite ñandyryvyre mbeu reta tũpaope ñymbatyrã, mãrãra ryhaihushu reta. Haikavitevepo rỹmboryshu opaite maĩnunga mba'etyrevape ohojyseve verãre pehupi. Japo kova Tũpa mbyvyashu verã.

Apocalipsis 2:28

Ameẽposhu reta jasytata kõĩ ourã õhẽva.

Apocalipsis 22:16

Jesús hei: “Amondo ajokueva, kova mbai tũpao retaipi hei verã. She rãnga huvisha vasu David ñymoñashi vekua; She hai jasytata kõĩ'ourã sapeva”.