2 Pedro 1:1 - NandevaBiblia

¹ She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Pedro 1:1 ပူးပေါင်းရင်းမြစ်များ

Mateo 10:2

Kova hai 12 apostol reta hee: Tynonde'ẽ Simón mbyheajyva Pedro, hareka tyvy Andres; Santiago, hãndi tyvy Juan, Zebedeo tayre;

Mateo 4:18

Jesús vata oho yyvasu Galilea hỹmbeipirã, hesha Simón, Pedro he'iashua hareka tyvy Andrés. Hai reta rãnga pira nohẽ'iare, yype mombo ñynoĩ jypysare.

Lucas 1:47

hãrã shykove vya Tũpare shymondo jepeva.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

Juan 1:42

Haivi Andres raha Simón Jesús ẽvãpe. Jesús maĩherã heishu: Nde hai Simón, Jonas tay, tẽvã ã'ẽ nymbyheapo Cefas, he'iseva ita (Pedro).

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Hechos 15:14

Simón Pedro mbeuma jyve marãra Ñanderu Tũpa vãhẽ jyveshu haimba Judiore, hareka pyhỹrõ jyveshu reta ikoshi verãre henta ĩrũrã.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:12

Jaishu, pepenteĩ ñaĩmykyrẽy verã jyrojakue ñambeu ijuperã.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

1 Corintios 9:1

Ha'ẽãra she Apostol? Ĩmera'ẽ katumba ajapova? Aheshããra Ñandeja Jesús? Sheeãra apyrỹmbykuaaka Ñandeja?

2 Corintios 4:13

Ore rekohava jyrojakue, hai Mbyparahava heiva rãĩmi: “Aroja, hãme aijeta”, ore rojahaĩ jyve hãme ijetaha,

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Galatas 2:8

Tũpa mondova Pedro apostolrã ñimiñee verã Judio retape, shymondo jyve ãñimiñee verã haimba Judio retape.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

Efesios 4:5

Penteĩ rãnga ẽẽ Ñandeja, jyrojakue hareka ñymyngaraiva,

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

2 Timoteo 1:5

Shymanduahe marãra añeteĩte riroja, tynonde ĩmere vekua ndijary Loida hareka ndesy Eunice. Aikuaakavi nde kyraĩ rirojajy verã.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 1:4

Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

1 Pedro 2:7

Pee jyrojavare pevarã, hokava ita hepyva, hãrã rojambava pevarã, ita mbijicheva mupuã'iare, ou ikoshi ita jypy.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.