7 Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.
Haivi ou jokuea rea 20 mil ĩmere vekua hãrã hei: “Sheja, 20 mil rãnga rỹmeẽ she, hãma arujynde 20 mil ĩãrẽve amimoñajyva”.
Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.
Hai rupii rãnga Tũpa meẽpe pikatu pijeta verã hareka pikuaa verã heta mbai.
Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.
Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.
Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.
Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.
Kyrã jyvepe; shara pipota pipity Espiritu Santo meẽvarã, piñyhãã katu pipity verã opaite maĩnunga mypyrãta verã tũpaope'õre.
Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?
Ha'ẽã vãhẽ ourãmeĩ, hai rãnga kyrẽ'ỹ jyve pyndyrehe. Hai mbeu ore marãra pee potatẽ yryreshapi jyve, marãra pyvy'ãpi hareka pejepy'apy shyrehe, opaite kova mbai shymbyvyavejy.
Hãmeara jururehashu Tito, hai õñepyrõ vekua opa japo verã pymbytepe, kova mbai kavikue pijapova.
Hareka haire jyhaihukue ryhevepo ñymboi pyndyrehe, jyparekokue Tũpa heshakapeva rehe.
Tũpa rãnga hai pyrãtava opa mbaipe, mbyhetape verã opa mbai haikaviva, ĩmepyre verã opa mba'e mba'etypyreare, kyrã pymbory verã jyve mbai mba'etyreare.
Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.
Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.
Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,
Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.
Nde shyray, ñymypyrãta jyhaihu ojaimbava ĩmejareva Jesucristo rupii.
Hãma, me'ẽha ñande pente huvisharã'õ my'õmyhambava. Hãrã ñamombaiposhu Tũpa jyhaihukuepy hareka ñambyvetepo hai pya ohoherã myvãhẽva.
Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.
Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.
Tẽvã nde rere rikokatuva, opa mbai ohokavindea, tẽvã rikuãã rymondo ndijehe rymbasy verã hareka mbai mba'etyape, ndypavete, ryheshamba kũvaĩpi hareka nynaniã.