2 Corintios 8:4 - NandevaBiblia

⁴ Jurure'asy ore potanda hejahashu reta mbory verãre yngava ñandyryvy Jesucristo jyrojahea retarã.

2 Corintios 8:4 ပူးပေါင်းရင်းမြစ်များ

Mateo 10:42

Ĩme'ẽ meẽva yy rỹ'ỹsami amboi'areaperã, ãñete hai pee Tũpa myngoviañõĩposhu.

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Marcos 14:7

Pavetevare ĩmeñoĩpo pynymbyteipi, hãrã potama haikaviva pijapoherã pijapopohe reta, tẽvã she opa arããpo aiko pynymbyteipi.

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Hechos 16:15

Hai ñymyngaraima henta ĩrũre hãndirã, jurure'asy orerã hei: Ãñeteĩte pyroja she airojava Ñandejarerã, pekua pypytave shyrẽtape. Irĩmiñerã'i yryrahapeve hentape.

Hechos 24:17

Heta ãño aiko mamaĩpi, haivi aijy shyrẽntape ameẽ verã maĩnunga shyrẽnta'ĩrũ retape hareka ambishaka verã Tũpa pevarã.

Romano 15:31

Pirureshu Tũpa shynohẽjy verã jyrojambare Judeape'õ retaivi hareka ñandyryvyre heko kyambare Jerusalenpe'õre myvãhẽ kavi verã ofrenda arahashuva,

1 Corintios 16:1

Ã'ẽ aipota aijetahepe kyrypoti mbatyhakava tyryvyre Cristo ryheva kyambare pevarã, pijapo jyve tũpao Galaciape'õre ajapokashua rãĩmi.

1 Corintios 16:15

Shyryvyre pee pikuaakavi Estéfanas henta'ĩrũre hai tynondeite jyrojava Acayape, hareka haire mboryñynoĩ opaite ñandyryvy jyrojavare.

2 Corintios 9:1

Kova pymbatyva hai ñandyryvy jyrojavare pevarã, katuãny hykuaĩ ambyparajype kuatiape.

Galatas 2:10

Koñeĩ pente mbai jurure, ore mandu'ahe verã pavete'iare, hãrã she aingareko kaviape ajapo.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.