2 Corintios 7:7 - NandevaBiblia

⁷ Ha'ẽã vãhẽ ourãmeĩ, hai rãnga kyrẽ'ỹ jyve pyndyrehe. Hai mbeu ore marãra pee potatẽ yryreshapi jyve, marãra pyvy'ãpi hareka pejepy'apy shyrehe, opaite kova mbai shymbyvyavejy.

2 Corintios 7:7 ပူးပေါင်းရင်းမြစ်များ

Mateo 26:75

Haipe Pedro mãnduahe Jesús heishu vekua rãĩmi, “Ndei uru ñyrãrã mbahapyjypo shiñomikui”. Pedro õhẽ katuaperã jaheote'i, shara mbasyiterã.

Mateo 5:4

Vy'apo reta ã'ẽ vyamba'iare, shara Tũpa meẽposhu mbypya kavi verã.

Lucas 22:44

Hãrã Jesús vyamba japyraha'õpe, ñymyrõĩteve jurure; haivi tykyshi pirie yvype turuvy tivisha rãĩmi.

Hechos 11:23

Bernabé vãhẽ oho Antioquiaperã hesha marãra Tũpa maĩkavihe retarã vya'i, hãrã opaiteva mykyrẽy verã heishu reta roja katu ñynoĩ verãre Ñandeja.

Romano 1:12

Jaishu, pepenteĩ ñaĩmykyrẽy verã jyrojakue ñambeu ijuperã.

1 Corintios 5:2

Kova ryheveĩ pirojapi pindijehe, pymbasytẽhe verã! Hokava kuimbai kyrã japo vekua pymohẽpo pynymbyteivi.

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

2 Corintios 1:4

Hai ñanymbyvyañoĩ, opaite jepy'apykuepy, ñambyvyajy verã jyve hasa'asy'õre, vya Tũpa meẽ oreva rupii.

2 Corintios 2:9

Shara ha'ẽrã ambyparape kuatia, aikuaa verã opa mbaipera ñee pyhendu.

2 Corintios 5:2

Hãme rãnga ñanutũhẽ ñamondojai jaikoterijai ko oo ã'ẽvãperã, shara ñanykyrẽỹma jaha jaiko ñandero ara vate'õpe;

2 Corintios 7:6

Tẽvã Tũpa mbypya vapyva kyrẽỹveãmavare, yrỹmbymbypya vapy Tito vãhẽ ourã.

2 Corintios 7:8

Ajema kuatia ambyparapeva pymbyvy'ãã, ambasyã ambyparareiirã. Koñeĩ ajepy'apyhe hokava kuatia ambyparape vekuamba sapy'aitemba pynymbyvy'ã.

2 Corintios 8:16

Ãmeẽ shy'ajetekue Tũpape hai ñono Tito pyape she rãĩmi ojepy'apy pyndyrehe verãrã.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

Colosenses 2:5

She teiva ãĩmembate'aĩ penendieva, shẽã rupii ãĩme penendie, hareka avy'a aikuaa hekope kavi pimepẽĩrã hareka Cristo pirojahevape pynypyrãtapẽĩrã.

1 Tesalonicenses 3:6

Hãma ã'ẽ Timoteo oujyma Tesalonicaivi hareka mbeu'ore pee pijaihurã hareka poiã pirojarã. Hãma heijy ore jyhaihukue ryheve pynymandua yryreheva hareka pipota yryreshava, ore pota pyndyreshahava rãĩmi.

1 Tesalonicenses 3:8

Kuaahama tãnta pirojahe Ñandejarã, ñanduhajy pyrãtakue ikohaĩteri'i verã.

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.

Santiago 5:17

Tũpa ĩñee mbeu'ia Elías haimba pente kuimbai ñande rãĩmiva; jurure jyrojakue ryheve potaveãma haivirã, haivi jyvyãmba yvy'iãrẽ mbahapy ãño hareka ova jasy.

2 Juan 1:4

Shymbyvy'aite ahesha ã'ãmo ndyrayre añetevape iko retarã, Teru hei ñandeva rãĩmi jajapo verã.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,