2 Corintios 6:8 - NandevaBiblia

⁸ Ãmope yrỹmbyveteha, hareka ãmope ajeteãshu reta, ãmope ijeta kavi yryrehe, hareka ãmope porã'ãĩte he'iajy yryrehe. Añetevate he'iava, he'iajy yryrehe mba'ety vekua mbe'uava.

2 Corintios 6:8 ပူးပေါင်းရင်းမြစ်များ

Mateo 10:25

Mbo'eharea vy'apo pyrỹmboi'õ rãĩmi'irã hareka jokuehareirea pyrokue'õ rãĩmi ikorã. Hãrã oo ija he'iahe Beelzeburã, mãrãrapo kyrãã he'ia jyveshu henta ĩrũre?

Mateo 22:16

Fariseore mondo mboireare hareka Herode ẽẽ hãndiare. Heishu reta: Pyrỹmboi'ia, kuaa rãnga añeteva rỹmbeurã, hareka hekope kavi rymboi Tũpa hape. Kuaahaĩjy rymbyvapyã ndijehe, he'iandevarã, hãndi rỹma'ẽãvãĩjyhe marãvara.

Mateo 27:63

Heishu reta: Yreja, ỹrỹmandua rãngahe tykove japu hei vekua ĩmeteri'ĩrã vekua, mbahapy arape kuerajy verã manovare pãũvi.

Marcos 12:14

Kovare ohorã heishu reta: Pyrỹmboi'ia, kuaaha rãnga niñee añeteĩtevarã, rỹmbyvapyã ndijehe kuaretare hei ndeva, rỹma'ẽãhe marãva kuaretara, ãñete rypỹrỹmboihe Tũpa hape. Haikavira mẽ'ẽhashu kyrypoti mburuvishavasu Cesar, maĩrã, mba'ety? Mbyhepyaraposhu, maĩrã, mba'ety?

Juan 7:12

Hãma kuaretare mbytepe heta'ẽ ijetahevare. Ĩme'ẽ heiva: “Kuimbai heko kaviva rãnga”, tẽvã yngavare hei: “Kuaretare mbytavy'ia rãnga hai hokava”.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 16:39

Haipe ou heishu reta Pablo hareka Silas haire mbasyva japoheare. Haivi nohẽjy retarã jurureshu õhẽ verãre tentaivi.

Hechos 22:12

Haipe ẽẽ pente kuimbai Ananías he'iashua, kuimbai pyryparekova Tũpa haihuva hareka Moisés mbypara vekua heiva japoñoĩ'ia, hareka opaite Judiore ijeta kavihea Damascope'õre.

Hechos 24:5

Vãhẽã rãngashu ko kuimbai mbairasykue rãĩmi, hareka oparupi opa mbijajao Judiore hareka haiteiva miñakashu nazareno ryhevare.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Hechos 4:21

Haivi mburuvishare ijeta pohyjyshu retarã ma'ẽĩmahe reta kuaretare rehe, vãhẽãshu mãrãrapo nũpaka reta shara haipe ikova rehe opaite õmombaishu Tũpa.

Hechos 5:13

Mbavẽã ynga retava kyrẽy jihia tẽvã ijeta kavihe reta.

Hechos 6:3

Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Romano 3:8

Kyrãrã, marã'ĩrãra japohãã porãmbava, haikaviva ou verã? Hokava rãnga he'iha she kyrã amboiva, pota porãã ijetaha shyreherã. Kyrã heiva haikavi jaheahe verã.

2 Corintios 1:18

Tũpa rãnga opa hesha mapeã ore he'iha “ẽẽ” hareka “mba'ety” pente he'iape.

2 Corintios 11:21

Anotiny hai pee, ãñete ore mapeãã kyrãã haire rãĩmi oponderahãã! Tẽvã yngavare katu jyroja ijeherã, kyrãĩ jyve she, ajemaĩpo kuakuamba'ia rãĩmi aijeta.

2 Corintios 12:16

Pee pikuaa kavi aipotãã pejepy'apy shyrehe pymeẽ she verã kyrypoti. Tẽvã, ĩme'ẽ ã'ãmore hei shyreheva shapukuepy apyrỹmbytavyrã apirirityva.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

1 Tesalonicenses 2:3

Shara ore mbe'uharã añetevaĩ mbe'uhape, javyhambape, haimbajy porãmbape mbai japohava, hareka mbavapembaa pota mbytavyhava.

1 Timoteo 3:7

Tekotẽvẽ ijetaha kavijyvehe Jesús jyrojambaterihevare mbytepe, mahẽ ijetaha porããhe hareka oakui Ãña ñonovapy.

1 Timoteo 4:10

Ha'erãveĩ rãnga ñamba'apo hareka ñañehãã ñandijehe he'iha'i ñandeape, shara jairojahe Tũpa hykove'ia, hai hokava opava retape mondojepe verã, tynondeite'ẽ opaite jyrojaheare.

Hebreos 13:13

Hãme rãnga ñande ñahẽpo jyve hãndi Jesús hareka ñaĩpo jyve hai rãĩmi jahasa'asy verã.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.

3 Juan 1:12

Opaiteva ijeta kavihe Demetrio hareka hai hykovepe heshaka he'iaheva añeteva. Ore ijetahakavĩĩ jyvehe, nde rikuaa kavi mbe'uhava haiva añeteva.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.