2 Corintios 6:6 - NandevaBiblia

⁶ yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

2 Corintios 6:6 ပူးပေါင်းရင်းမြစ်များ

Romano 12:9

Añetevapepo ñandapisha jahaihu. Pimbijiche mbai porãmba hareka haikavivaĩ pijapo.

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 13:4

Pyryhaihuva hasa'asyñoĩ, pyakavi, mbai potaraiã, jyrojaã ijehe hareka potãã ha'epaite.

1 Corintios 2:16

Kuatia mbyparahavape heiva rãĩmi: Mbavara kuaa Tũpa ñakapy'õva? Mbavara katu mboishu? Tẽvã ñande ĩmejare Espiritu Tũpaivi ouva, hãme rãnga Cristo rãĩmi ñandypya ñambijeta jyve.

1 Corintios 2:4

Opa mbai aikuaava rãĩmiiã aha pynymbytepe, aporyã ñee javai'ova, shyrojapi verã. Koñeĩ ahejashu Espiritu Santo heshaka verã ñymbaikatukue,

2 Corintios 1:23

Shykovere ãñono ko haiva, ãhẽno Tũpa hesha verã, hai opa kuaa shypyape'õ, potãã pohyite aijetaperã, ahããteri Corintope.

2 Corintios 11:11

Marã'ĩrãra kyrã aijeta? Apyryhaihuarãra'e? Tũpa rãnga kuaa apyryhaihurã.

2 Corintios 11:4

Shara ĩme'ẽ yngava Jesús ijetahepearã, haimba ore mbe'uhape vekuarã, maĩrã veruva yngava espiritu, pee ĩmepyreaivi, maĩrã yngava Ñee kaviva pee pymyvãhẽma vekuaivi. Hokavare pyhendu kavishu.

2 Corintios 11:6

Katu haire rãĩmiãã aikatu aijeta, tẽvã shy'ãrãndukuepe kyrãã'ẽ, kova heshahakañoĩpe opa mbaipe.

2 Corintios 12:15

She rãnga vy'a ryhevepo apory shijehekui kyrypoti ĩme'area, hareka katu sheteiva ameẽjy pyndyrehekui. Apyryhaihuiterãra, marãrapo pee sa'ite shyraihupi?

2 Corintios 13:10

Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.

2 Corintios 2:10

Pyhejareiishuvape, ahejareii jyveshi. Shara ahejareii jyve, ĩme'ẽ kyrã ahejareii verãrã, ajapo pyndyrehe Cristo hỹnonde.

2 Corintios 2:4

Ambyparape hokava kuatiarã, vyamba vekua hareka ajepy'apy ryheve ajapo, hareka ajaheoseve, ha'ẽã pota apyrỹmbyvy'ãrã, pyhesha verãĩ rãnga marãra apyryhaihu.

2 Corintios 3:3

Ijyhesha kavi rãnga pee haiva Cristo jykuatia, ore japoha vekua, haimba tintape mbyparahava, Tũpa hykove'ia jy Espiritupy japohava rãnga, ha'ẽã itare mbyparahava, koñeĩ kuaretare pyape.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 7:2

Piñono ore ikoa verã pyndypyape! Mbavãã porãmba japohahe, mbavapeã mymarãhãka, mba'ety mbytavyava.

Galatas 3:2

Aipotaĩ pymbyhovaishe ko apyrãnduva: Vãhẽrape Tũpa Espiritu Santo Moisés mbypara vekua pijapopirã maĩrã pyroja ko Ñee kavivarãra?

Galatas 3:5

Tũpa meẽpeje Espiritu hareka japo pyhesha verã heta mbaikavi heshaha verã. Marã'ĩrãra japo? Ha'eã Moisés mbypara vekua pijapopirã, Ñee kavi pyhendu vekua pyroja rãmeĩ rãnga.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Efesios 3:4

Pimbijetama peĩrã, pikuapo pymondo aikuaava hoka Cristo ryheva kuaahamba.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

Efesios 4:32

Pyndypya kavi pindijupive, hãndi pijypareko hareka pyhejarei ijuhuvi mbai porãmba pijapo vekua, Tũpa hejareii pyndyheviva rãĩmi Cristo rupii.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 2:3

hai ĩãrẽ ẽẽ opa mbai haikavivare ouva mbaikuaakue hareka ãrãnduivi.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

1 Tesalonicenses 2:10

Pee pikuaa kavi hareka Tũpa jyve, marãra pirojava mbytepe yryrykove ky'ã, hekope kavi ikoha, hareka mba'ety he'iha yryrehe verã.

1 Timoteo 4:12

Avy mbava ndyreshatãti nukunumiteterirã, tiko ndyhevi heshaha verã Jesús ryhevare mbai haikaviva japoa verã, rijeta hareka rikova rãĩmi, jyhaihukue, jyrojakue hareka ndyreko kyambavape.

1 Timoteo 5:2

taupe kuakuavare ndesy rãĩmi japo, hareka kuñataĩre niindy rãĩmiporyre, niñerãmba ryheve.

2 Timoteo 3:10

Tẽvã nde Timoteo, rikuakavi apyrỹmboihea, aikova rãĩmi, mbai pota ajapova rãĩmi, airojakue, jyhaihukue hareka ñyhãrõkuaa, pyrãtãkue ajepyhe verã porãmba vekua,

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Tito 2:7

ndeteivapo ryheshaka marãra japoha mbai haikaviva, pyrỹmbo'eahea haikaviva rupii, pya kavipe,

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.