2 Corintios 6:4 - NandevaBiblia

⁴ Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

2 Corintios 6:4 ပူးပေါင်းရင်းမြစ်များ

Lucas 21:19

Tãtãkatu peĩrã, peojepepokui.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Hechos 20:34

Kyrãte verã, sheteiva amba'apo, apity verã mba'etysheare hareka shimi'ĩrũ'iare pevarã jyve.

Hechos 9:16

She ambyheshakapo heta hasa'asy verã shyreepe jyrojarã.

Romano 14:18

Kyrã japova Cristo pevarã hai, pya ohohe Tũpa hareka kuaretare mymorãshu.

Romano 16:10

Marãndushu Apeles, Cristo rehe heta heshaka jyrojakue Cristo rehe, hareka jyve Aristóbulo ñymoña hãndiare.

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

Romano 5:8

Tẽvã kovape Tũpa heshaka ñande jyhaihukue, mbai porãmbapeteri jairã, Cristo mano ñandyrehe.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

1 Corintios 9:11

Ore ñotyhã pyndypyape Espiritu ryhevarã, hãmera katu'ãĩteipo hipityha jyve pyhevi ĩmepyreva ko yvy'ĩãrẽ?

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 11:27

heta porãã ahasa amba'aporã hareka shykangyrã, ache kavimbape, ñymbahy hareka uhe, akarumbape, ro'ype hareka mba'ety ãmondevape;

2 Corintios 11:9

Ãĩmẽ'ãi pynymbyteperã hareka mba'ety she maĩnungarã, airureãpe shymborypi verã, shara ñandyryvy ouvare Macedoniaivi opa ñonoshe reta mba'etyshea. Hãrã aipotãã añonope pente mbai pohyva, hareka kyrãñoĩpo ajapo.

2 Corintios 12:10

Hareka she avy'a shypyrãtamba vekuape, opa mbai he'ihasheape, mbai mba'etysheape, pu'ã shyrehevape hareka opa mbai jyhasa'asy ahasa Cristo rehe. Shara shykangyvape ãñandu shypyrãtave.

2 Corintios 12:12

Opaiteva jyhasa'asykue ahasava ñyhãrõkuaa ryheve, mbaikavi heshaha verã, mbai haĩrãã heshahava hareka moãmba pyheshava, peeteiva opa pyhesha vekua, hokava heshaka ãñete she haiva apostol.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

2 Corintios 4:17

Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

2 Corintios 4:8

Kyrã rãnga jehu, porãmba vekua yropy, tẽvã hasahaĩshi; ojepy'apyhatẽva, yrypyape haikaviĩ õĩhã.

2 Corintios 7:11

Haikavi Tũpa pota rupii piñymbasypeĩrã. Pymaĩhe marãra veru mbai haikaviva! Kyrã mondo kuaa mba'eã ajaporã hareka shyrepy reta. Hãma poshy reta hareka kyje reta maĩnunga iko verãre. Pota shyresha reta hareka ajeraima japova jahehe reta. Opaite kova rehe, pyheshaka peĩã jyve kovaperã.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

1 Tesalonicenses 3:7

Hãrã, shyryvyre opaite yrypya vyamba hareka mbai hasyva mbytepe, yrypya kavi õĩha kuaahama pee tãntapẽĩ pirojakueperã.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

1 Timoteo 2:15

Tẽvã taupe ohojepepo membyrã, jyroja katurã, ẽẽ jyhaihukueperã hareka heko kyamba ñakapory kaviva ryheve.

1 Timoteo 4:6

Kova rỹmboihe ñandyryvy retarã, haimapo ndekui Jesucristo jokueva haikaviva, ñee pyrãtava jyrojakuepe hareka nymbo'eahea haikaviva rehorihevape.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

2 Timoteo 2:24

Hãrã pente Ñandeja jokuerea katuãpo iko ñyrãrõpe, opava retapo pya kavi hãndi, katupo pyrỹmboi hareka hãrõ kuaapo,

2 Timoteo 4:5

Tẽvã nde ryrekoñoĩpo mbai haikaviva, hasakuaa jyhasa'asyre, mbeuñoĩ ñee haikaviva, opakavi japo rijapova.

Hebreos 12:1

Opaite hokava kuaretare ĩme'ẽ ñandijerekue ñandyresha'ẽva! Hãrã opapo ñambijiche mbai porãmba vekua ñandochava, shara tykove hai pente mbaretepe jykarerava.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 3:10

Oupo pyarã'ãkuere opaite ko yvy'ĩãrẽ iko'ia retape, tẽvã aingarekopo ndyrehekui, shara opa rijapo shiñee poimba riroja shyrehe verã.